Дзяржаўная служба надзвычайных сытуацыяў Украіны паведаміла, што ў ноч на 22 кастрычніка ў Кіеве ад расейскіх удараў адзін чалавек загінуў і 22 атрымалі раненьні, у тым ліку чацьвёра дзяцей, піша Ўкраінская служба Радыё Свабода.
Ратаўнікі паведамілі пра балістычныя ракетныя ўдары па шасьці раёнах Кіева.
- «Дняпроўскі раён. Адзін чалавек загінуў, дзіця шпіталізавана. Пашкоджаныя дамы і аўтамабілі, загарэліся жылыя і нежылыя будынкі. Яшчэ пяць чалавек атрымалі раненьні.
- Дарніцкі раён. Пашкоджаная транспартная інфраструктура. Пацярпелых няма.
- Сьвятошынскі раён. Згарэлі нежылы будынак і рэстаранны комплекс. Пажар на плошчы 1100 квадратных мэтраў патушаны. Абалонскі раён.
- Пашкоджаныя нежылыя будынкі, узьніклі пажары. Два чалавекі атрымалі раненьні. Пажары патушаны.
- Пячорскі раён. Пашкоджаныя дамы, машыны хуткай дапамогі і манастыр. Восем чалавек атрымалі раненьні, у тым ліку трое дзяцей.
- Галасееўскі раён. У выніку абстрэлу нежылога будынку пацярпелі шэсьць чалавек», — гаворыцца ў паведамленьні.
ГЛЯДЗІЦЕ ТАКСАМА:
У Кіеве ёсьць загінулыя і пацярпелыя ад расейскага абстрэлу. Пашкоджаныя жылыя дамы, мэдычны цэнтар, мэтро і дата-цэнтарРасейскія вайскоўцы рэгулярна атакуюць украінскія гарады і цывільную інфраструктуру ўва ўсіх рэгіёнах Украіны з выкарыстаньнем розных відаў узбраеньня, у тым ліку ўдарных БПЛА, ракет, кіраваных авіяцыйных бомбаў (КАБ) і рэактыўных сыстэмаў залпавага агню.
Украінскія ўлады і міжнародныя арганізацыі кваліфікуюць гэтыя ўдары як ваенныя злачынствы, учыненыя Расейскай Фэдэрацыяй, і падкрэсьліваюць, што яны наўмысныя.
Расейскае кіраўніцтва адмаўляе, што расейская армія падчас поўнамаштабнай вайны наносіць па цывільнай інфраструктуры ўкраінскіх гарадоў і вёсак наўмысныя ўдары, у выніку якіх гінуць мірныя жыхары і разбураюцца лякарні, школы, дзіцячыя садкі, а таксама аб’екты энэргетыкі і водазабесьпячэньня.