«Галоўнае ў плянаваным акце гуманізму — жанчына. Гэта шанец на выпраўленьне памылак і іх выкупленьне добрасумленнай працай, вяртаньне да паўнавартаснага жыцьця ў грамадзтве, захаваньне сем’яў», — заявіла прэсавая служба Лукашэнкі.
ГЛЯДЗІЦЕ ТАКСАМА:
Лукашэнка пераконваў Джона Коўла, што палітвязьняў у Беларусі няма і няма патрэбы ў палітычным перасьледзеКолькі жанчын сярод зьняволеных
Згодна з інфармацыяй спэцыяльнага спавяшчальніка ААН аб становішчы з правамі чалавека ў Беларусі Нілса Муйжніекса, толькі ў 2025 годзе ў крымінальных справах былі асуджаныя ня менш за 1254 чалавекі, у тым ліку 355 жанчын. У канцы жніўня 2026 году ў месцах утрыманьня пад вартай у Беларусі знаходзіліся 889 чалавек, у тым ліку 124 жанчыны.
У сьпісах «экстрэмістаў», які налічвае ўжо амаль 7 тысяч чалавек, чвэрць — жанчыны.
ГЛЯДЗІЦЕ ТАКСАМА:
7 палітзьняволеных жанчын у «Навінках», яшчэ 100 за кратамі. Пра што не раскажуць чыноўнікі ў «Год беларускай жанчыны»Зьняволеных жанчын у Беларусі трымаюць у асноўным у Гомельскай жаночай калёніі, а жанчын-рэцыдывістак — у Рэчыцы. Агулам у Беларусі прыблізна 1400 жанчын цяпер знаходзяцца за кратамі, зь іх прыблізна 100 — палітзьняволеныя.
Законы аб амністыі прымаюць пад юбілейныя даты
У Беларусі няма агульнага закону аб амністыі.
З 2020 году, калі пачаліся жорсткія масавыя рэпрэсіі супраць апанэнтаў улады, у Беларусі падрыхтавалі і ўхвалілі чатыры законы:
2020 — закон аб амністыі да 74-годзьдзя перамогі ў вайне 1941–1945 гадоў;
2022 — закон да «дня народнага адзінства», які з 2021 году адзначаюць 17 верасьня;
2024 — закон да 80-годзьдзя вызваленьня Беларусі ў 1944 годзе;
2025 — закон да 80-годзьдзя перамогі ў вайне 1941–1945 гадоў.
2026 год Лукашэнка абвясьціў годам беларускай жанчыны.
Дзеяньне ўсіх гэтых законаў не распаўсюджваецца на раней амніставаных.