Як паведамляе Польскае радыё, Абломкі знайшлі каля вёскі Юоджоніс на поўначы Літвы, непадалёк ад месца, дзе аб’ект зьнік з радараў. Міністар абароны Літвы Робэртас Каўнас паведаміў, што частка абломкаў пашкодзіла цывільны аўтамабіль. Літоўскія вайскоўцы пачалі расьсьледаваньне інцыдэнту.
Раніцай 18 кастрычніка праз зьяўленьне неапазнанага аб’екта ў паветранай прасторы ўлады заклікалі жыхароў цэнтральных і паўночных раёнаў Літвы прыкладна на гадзіну схавацца ва ўкрыцьцях. Была абвешчаная паветраная трывога, а ў раён магчымага знаходжаньня аб’екта накіравалі зьнішчальнікі паветранай паліцыі NATO. Часова закрывалі і аэрапорт Коўна.
Зьнішчальнікі NATO не змаглі візуальна ідэнтыфікаваць аб’ект праз воблачнасьць і не спрабавалі яго зьбіць. Міністар абароны Літвы заявіў, што прапанаваў польскаму боку правесьці супольнае расьсьледаваньне. Пакуль не ўстаноўлена, што гэта быў за апарат і каму ён належаў.
Праз магчымую пагрозу паветраную трывогу ненадоўга абвяшчалі і ў памежных зь Літвой раёнах Латвіі. Пазьней папярэджаньні ў абедзьвюх краінах адмянілі.