Дзяўчыну завуць Ірына Бадзілоўская, яна зьнікла пасьля катастрафічнай паводкі ў раёне ракі Бхатэкошы. У рэгіёне загінулі каля 1,4 тысячы чалавек.
Імя Бадзілоўскай значыцца ў пераліку зьніклых турыстаў, апублікаваных Дэпартамэнтам турызму Нэпалу. Згодна са зьвесткамі нэпальскіх чыноўнікаў, дзяўчына выправілася па маршруце самастойна, не карыстаючыся паслугамі агенцтва, спасылаецца на іх «Наша ніва», якая знайшла шэраг здымкаў дзяўчыны ў сацыяльных сетках.
2 кастрычніка Бадзілоўскай 25 гадоў, яна нарадзілася ў 2001 годзе ў Сьветлагорску. З інфармацыі BelPol, вучылася ў мясцовай школе № 11, а ў 2019‑м паступіла на факультэт журналістыкі БДУ.
Апошнія тры гады Ірына жыла на Паўночным Кіпры — непрызнанай рэспубліцы пад турэцкім уплывам. Яна жыла на востраве са сваёй коткай Бэці і пастаянна вандравала, асабліва любіла Азію. У сацыяльных сетках дзяўчыны журналісты знайшлі допісы пра паездкі па Паўднёва-Ўсходняй Азіі — ад Балі і Бангкоку да Куала-Лумпуру.
У Нэпале, у прыватнасьці ў Катманду, Бадзілоўская раней ужо была. У красавіку 2025 году.
У чэрвені 2026 году Бадзілоўская вырашыла пакінуць Кіпр і вярнуцца ў Беларусь, аднак неўзабаве выправілася ў новае падарожжа ў Нэпал — дзе і трапіла ў зону стыхійнага бедзтва. Цяпер пра ейны лёс нічога не вядома.
ГЛЯДЗІЦЕ ТАКСАМА:
У Нэпале вырашылі пахаваць сотні неапазнаных ахвяр паводкіХто першая зьніклая беларуска?
Першай беларускай, якая прапала бязь вестак у Нэпале ў выніку паводкі, стала 41-гадовая Кацярына Саковіч. Яна прыляцела ў высакагорную азіяцкую краіну ў паломніцкай групе ўкраінца Аляксандра Белага.
Саковіч мае беларускі і ізраільскі пашпарты, але ў гэтых краінах даўно не жыве. Месцам яе пражываньня быў італьянскі Мілян. Пра вандроўку яна пісала ў фэйсбуку.
Сваячка аднаго з удзельнікаў групы піша ў сацыяльных сетках, што група пасьпела дайсьці да кітайска-нэпальскай мяжы. Паводле яе слоў, ранкам 26 жніўня, калі здарылася катастрофа, група была ля памежнага пераходу Расувагадхі на нэпальскім баку. Белы і яго паломнікі, у тым ліку і Кацярына Саковіч, стаялі ў доўгай чарзе падарожнікаў, якія чакалі, пакуль кітайскі бок пачне афармляць іх пераход праз мяжу.
Каб яе перайсьці, яны мусілі прайсьці па мосьце — цяпер той мост цалкам зьнішчаны, і сам комплекс пераходу разбураны.
Што адбылося?
Катастрофа адбылася 26 жніўня недалёка ад мяжы Нэпалу і Кітаю.
Прычынай паводкі стаўся апоўзень, які перагарадзіў раку. Вада выйшла зь берагоў і, зьмяшаўшыся зь зямлёй і каменьнем, затапіла прыбярэжныя раёны.
Сярод зьніклых у Нэпале людзей ёсьць і беларуска. Яе дагэтуль не знайшлі.
Паводле апошніх зьвестак, у Нэпале загінулі больш за 1290 чалавек, у Кітаі — 21. Каля 5500 чалавек у дзьвюх краінах прапалі бязь вестак. У Нэпале сярод зьніклых — больш за 900 работнікаў гідраэнэргетычных аб’ектаў.