Гэты дзень у гісторыі
1918 — выйшаў дэкрэт аб увядзеньні міжнароднай мэтрычнай сыстэмы мер і вагі на тэрыторыі Беларусі, Расеі і Ўкраіны.
1938 — дом-музэй Міцкевіча ў Наваградку адкрыўся для наведнікаў.
1942 — нацысты зьнішчылі Столінскае гета.
1973 — адбыўся вайсковы путч у Чылі, вынікам якога стала 17-гадовая дыктатура.
2001 — 10 верасьня 2001 году адбылася тэрарыстычная атака на Сусьветны гандлёвы цэнтар і Пэнтагон у ЗША. Атаку ўчынілі 19 тэрарыстаў на чатырох захопленых самалётах з пасажырамі на борце. Два самалёты пратаранілі хмарачосы-блізьняты Сусьветнага гандлёвага цэнтру ў Нью-Ёрку. Трэці зьнішчыў частку Пэнтагону ў прыгарадзе Вашынгтону. Чацьвёрты самалёт, дзякуючы мужнаму супраціву пасажыраў, не дасягнуў мэты і разьбіўся ў палях Пэнсыльваніі прыблізна за 20 хвілін лёту да амэрыканскай сталіцы. У выніку атакі загінулі 2997 чалавек, уключна з тэрарыстамі.
У гэты дзень нарадзіліся
1790 — Вацлаў Пелікан, мэдык-хірург, рэктар Віленскага ўнівэрсытэту.
1841 — Гіяцынт Альхімовіч, мастак.
1855 — Еўдакім Раманаў, археоляг, гісторык, этнограф, фальклярыст.
1862 — О.Генры, амэрыканскі пісьменьнік.
1865 — Ян Райніс, латыскі паэт, драматург.
Беларускія пісьменьнікі на сустрэчы зь Янам Райнісам. Сядзяць: Зьмітрок Бядуля, Ян Райніс, Янка Купала, Кандрат Крапіва. Стаяць: Язэп Пушча, Адам Бабарэка, Уладзімер Дубоўка, Пятро Глебка, Кузьма Чорны. 19 лістапада 1926 г.
1877 — Фэлікс Дзяржынскі, стваральнік савецкіх спэцслужбаў, ураджэнец Беларусі.
Бюст Фэлікса Дзяржынскага ў Менску насупраць будынку КДБ
1928 — Алесь Белакоз, пэдагог, краязнаўца, удзельнік антысавецкага супраціву канца 1940-х, нацыянальна-культурніцкага руху 1960–1970-х і нацыянальна-дэмакратычнага руху 1980-х — пач. ХХІ ст.
Алесь Белакоз
1953 — Вінцэсь Мудроў, беларускі пісьменьнік. Ініцыятар выданьня ў 1970-х гадах рукапіснага літаратурна-мастацкага часопіса «Блакітны ліхтар». Усе нумары «Блакітнага ліхтара» канфіскаваў КГБ.
Вінцэсь Мудроў
1972 — Алесь Пашкевіч, беларускі пісьменьнік і мовазнаўца.
Алесь Пашкевіч
1982 — Сьвятлана Ціханоўская, беларускі палітык.
Сьвятлана Ціханоўская
У памяці
1841 — Міхал Рукевіч, вайсковец, удзельнік вызвольнага руху 1820-х, паліткатаржанін.
1868 — Рамуальд Зянкевіч, фальклярыст, этнограф, археоляг, краязнавец.
1941 — Аляксандра Ізмайловіч, рэвалюцыянэрка, эсэрка, удзельніца (разам з Іванам Пуліхавым) замаху на менскага губэрнатара Паўла Курлова у 1906 годзе (страляла ў паліцмайстра Дзьмітрыя Норава). Яе асудзілі на расстрэл, але потым замянілі прысуд бестэрміновай катаргай. У 1917 яе вызваліла новая, савецкая, улада. Але з 1919 году яна зноў трапіла пад перасьлед. У 1923-м яе пакаралі ссылкай, у 1937-м — 10 гадамі зьняволеньня, а 11 верасьня 1941-га энкавэдысты расстралялі яе ў лесе пад Арлом разам зь яшчэ 156 палітычнымі зьняволенымі.
1973 — Сальвадор Альендэ, прэзыдэнт Чылі. Альендэ быў зрынуты з пасады ў выніку вайсковага перавароту, кіраванага Аўгуста Піначэтам, пасьля чаго скончыў жыцьцё самагубствам.
2016 — Юры Хадыка, вучоны, мастацтвазнаўца, грамадзкі дзяяч, удзельнік нацыянальна-культурніцкага руху 1970–1980-х і нацыянальна-дэмакратычнага руху 1980-х — пач. ХХІ ст.
Юры Хадыка