Раніцай 3 жніўня ў Сьвянцянскім раёне Літвы камэра, усталяваная каля месца прыкорму жывёлаў, зафіксавала 27 чалавек.
Заўважыўшы незвычайную карціну, паляўнічыя неадкладна перадалі інфармацыю супрацоўнікам Службы аховы дзяржаўнай мяжы. І тыя неўзабаве затрымалі людзей, якія незаконна перасеклі мяжу, паведаміла ў Фэйсбуку Літоўскае таварыства паляўнічых і рыбаловаў.
Па стане на 2 жніўня літоўскія памежнікі не прапусьцілі сёлета 1366 чалавек, якія спрабавалі зь Беларусі трапіць у Літву па-за пунктамі пропуску. А за ўвесь час мігранцкага крызісу — 25 980 чалавек.
ГЛЯДЗІЦЕ ТАКСАМА:
Кіраўнік памежнай службы Латвіі: Тунэлі для мігрантаў дакладна капалі зь ведама беларускіх службаўМіграцыйны крызіс на мяжы Беларусі і краін ЭЗ працягваецца зь вясны 2021 году. Улады суседніх эўрапейскіх дзяржаў лічаць яго «гібрыднай атакай», арганізаванай рэжымамі ў Менску і Маскве.