Гэты дзень у гісторыі
79 — вывяржэньне вулькану Вэзувій зьнішчыла гарады Пампэі і Геркулянум.
Вывяржэньне Вэзувія, карціна нарвэскага мастака Югана Крыстыяна Даля 1824 году
1572 — Барталямэеўская ноч у Парыжы — масавае забойства пратэстантаў.
Барталямэеўская ноч у Парыжы
1654 — падчас вайны Расеі з Рэччу Паспалітай адбылася бітва пад Шапялевічамі, войска ВКЛ на чале з Янушам Радзівілам пацярпела паразу.
1814 — брытанскія войскі ўзялі Вашынгтон і спалілі Белы дом і Капітолій.
1949 — набыла сілу падпісаная ў красавіку дамова аб утварэньні Паўночнаатлянтычнага альянсу (NATO).
1979 — адкрыўся для наведнікаў Сьвіслацкі гісторыка-краязнаўчы музэй.
1991 — пачатак надзвычайнай сэсіі Вярхоўнага Савету БССР. Украіна абвясьціла незалежнасьць.
1991 — Міхаіл Гарбачоў сыходзіць з пасады генэральнага сакратару КПСС.
2020 — у Жабінцы пахавалі Генадзя Шутава, якому стрэлілі ў галаву падчас акцыі пратэсту ў Берасьці.
2023 — у вёсцы Бязьдзедавічы Полацкага раёну ўлады затрымалі былога кіраўніка таварыства беларускай культуры ў Іркуцку Алега Рудакова і ягоную жонку Вольгу. На заўтра стала вядома, што іх асудзілі на 30 дзён арышту.
У гэты дзень нарадзіліся
1847 — Аўгустын Пацэвіч, вядомы лекар, філянтроп.
1899 — Хорхэ Люіс Борхэс, аргентынскі пісьменьнік.
1906 — Юльян Саковіч, беларускі грамадзка-палітычны дзяяч.
1928 — Янка Раманоўскі, мастак, пляменьнік Янкі Купалы.
1946 — Ядвіга Грыгаровіч, беларуская навукоўка ў галіне пэдагогікі; у 1992–2007 рэктарка Беларускага інстытуту культуры (цяпер — Унівэрсытэт культуры і мастацтваў).
Ядвіга Грыгаровіч
У памяці
1915 — Іван Здановіч, лекар, грамадзкі дзяяч, дабрачынец, заснавальнік вучэльні для сьляпых у Менску. На сваім лецішчы пад Менскам ён адкрыў лячэбніцу на мінэральнай вадзе, зь якой пачалася гісторыя сучаснага санаторыю «Крыніца». Для зручнасці наведнікаў лячэбніцы на чыгунцы адкрылі «плятформу Здановіча». З часам гэтая назва трансфармавалася ў сучасную назву чыгуначнай станцыі і пасёлку — Ждановічы.
Іван Здановіч
1966 — Тадэвуш Бур-Камароўскі, камандуючы польскай Арміі Краёвай у гады Другой усясьветнай вайны.
1990 — Сяргей Даўлатаў, расейскі пісьменьнік.
1999 — Уладзімер Кісель, удзельнік паваеннага нацыянальнага падпольля, аўтар успамінаў.
1999 — Аляксей Гардзіцкі, літаратуразнавец.
2012 — Алесь Петрашкевіч, драматург і энцыкляпэдыст.
ГЛЯДЗІЦЕ ТАКСАМА:
10 фактаў пра энцыкляпэдыста Алеся Петрашкевіча, які бараніў Нямігу2015 — Ала Канапелька, паэтка.