Як піша мясцовае выданьне Adjara times, у аварыю патрапіў мікрааўтобус зь беларускімі турыстамі.
У мікрааўтобусе знаходзілася турыстычная група — грамадзяне Беларусі, два замежніка загінулі піша ТГ-канал @Tbilisi_life.
Выданьне паведамляе, што ў Батумі сутыкнуліся мікрааўтобус і легкавы аўтамабіль. Мікрааўтобус перакуліўся, некаторыя пасажыры вылецелі зь яго. Паводле папярэдніх зьвестак, загінулі два чалавекі, яшчэ сем атрымалі траўмы, іх даставілі ў розныя клінікі Батумі.
У МЗС Беларусі распавялі дэталі ДТЗ зь беларусамі ў Батумі
Сутыкненьне легкавога аўтамабіля з мікрааўтобусам, які перавозіў беларускіх турыстаў з аэрапорту ў гатэль, адбылося 25 ліпеня, паведамілі агенцтву БелТА ў МЗС Беларусі.
«У выніку ДТЗ загінулі два турысты: жанчына 1983 года нараджэньня і мужчына 1963 года нараджэньня. Яшчэ 12 чалавек з траўмамі сярэдняй і лёгкай ступеняў цяжкасьці даставілі ў шпіталі», — распавялі ў МЗС.
Пяць пацярпелых застаюцца ў стацыянарах, сем — выпісалі. Амбасада Беларусі ў Грузіі падтрымлівае сувязь са сваякамі загінуўшых.