Мужчыну знайшлі падчас праверкі аўтамабіля Kia Carnival з рэгістрацыйнымі нумарамі Кыргызстану, што ехаў зь Беларусі. Пра выпадак паведамляе LRT з спасылкай на Дзяржаўную памежную службу Літвы.
Паводле літоўскіх памежнікаў, з красавіка 2020 году яго шукала паліцыя Вільні. Яго ўпусьцілі ў Літву праз памежны пункт Меднікі і затрымалі.
Высьветлілася, што беларускі грамадзянін раней, з 2013 па 2015 год, меў дазвол на часовае жыхарства ў Літве. Цяпер ён мае дазвол на жыхарства ў Гішпаніі.
Высьветлілася, што гэтага чалавека шукае і француская паліцыя. Тэрмін дзеяньня крымінальнага прысуду, паводле якога ён быў асуджаны на арышт у Літве, мог бы скончыцца 8 студзеня 2030 году. Памежнікі затрымалі грамадзяніна Беларусі, зьмясьцілі яго ў ізалятар часовага ўтрыманьня і перадалі віленскай паліцыі.
Колькі беларусаў затрымлівалі на літоўскай мяжы
Паводле Службы аховы дзяржаўнай мяжы Літвы, сёлета супрацоўнікі памежнай службы затрымалі трох грамадзян Беларусі, якія знаходзіліся ў вышуку.
У 2025 годзе затрыманых літоўскімі памежнікамі беларусаў, якія знаходзіліся ў вышуку, было 11, у 2024-м — 6.