Свабода вядзе храналёгію судоў, затрыманьняў, іншага перасьледу з палітычных матываў у Беларусі.
У праваабарончым цэнтры «Вясна» паведамілі, што Міністэрства ўнутраных справаў Беларусі дадала ў сьпіс «экстрэмістаў» Аляксандра Вітальевіча Каваленку.
Згодна з інфармацыяй праваабаронцаў, ён жыў у вёсцы Ярэва Пастаўскага раёну Віцебскай вобласьці. Яго пазбавілі волі за «садзейнічаньне экстрэмізму».
Ініцыятыва dissidentby сьцьвярджае, што Аляксандра Каваленку асудзілі паводле ч. 1 артыкулу 361-4 («вэрбаваньне, навучаньне або іншае ўцягваньне асобаў у экстрэмісцкую дзейнасьць») і ч. 2 артыкулу ст. 361-4 (тыя самыя дзеяньні, учыненыя паўторна, або групай асобаў паводле папярэдняй змовы ці адказнай асобай з выкарыстаньнем сваіх службовых паўнамоцтваў). Гэтыя артыкулы прадугледжваюць пазбаўленьне волі на тэрмін ад 2 да 7 гадоў з штрафам або безь яго.
