Як вынікае з пастановы, апублікаванай на Нацыянальным праўным інтэрнэт-партале Беларусі, мыта на вываз звадкаваных вуглевадародных газаў зьнізілі з 131,6 даляра за адну тону да 130,25,2 даляра (да 1 траўня дзейнічала стаўка 5,2 даляра за адну тону), а на этан, бутан і ізабутан — з 118,4 даляра за тону да 117,1 даляра (да 1 траўня дзейнічала стаўка ў памеры 4,6 даляра за тону).
Як і ў мінулы раз пастанову ўхвалілі пазьней, чым прызначылі дату прымяненьня новых ставак — іх будуць выкарыстоўваць з 1 чэрвеня, а дакумэнт ухвалілі 10 чэрвеня і апублікавалі 11 чэрвеня.
Да красавіка 2026 году ў Беларусі дзейнічалі нулявыя стаўкі вывазнога мыта на нафтапрадукты. Іх скасавалі пастановай ураду ад 13 красавіка.
ГЛЯДЗІЦЕ ТАКСАМА:
У Беларусі ў 25 разоў павялічылі мыта на вываз нафтапрадуктаў. Што гэта значыцьЧаму гэта важна
Увод мыта і павелічэньне яго памераў — сродкі рэгуляваньня экспарту пры неспрыяльнай сытуацыі на рынку.
Вывазныя мыта ўводзяць або зьмяняюць у асноўным для рэгуляваньня ўнутранага рынку і папаўненьня бюджэту. Увядзеньне і павелічэньне мыта робіць экспарт для вытворцаў нафтапрадуктаў нявыгадным і прымушае іх пастаўляць больш прадукцыі на ўнутраны рынак, каб зьнізіць дэфіцыт паліва і стрымаць рост коштаў на бэнзін і дызэльнае паліва.
Паводле экспэртаў, павелічэньне ставак мыта стымулюе перапрацоўку нафты ўнутры краіны, а не вываз сыравіны і цёмных нафтапрадуктаў (мазуту).
Раней расейскія выданьні пісалі, што новая палітыка ўладаў Беларусі датычна экспарту можа прывесьці да росту цэн для замежных пакупнікоў беларускіх нафтапрадуктаў.
Беларусь — адзін з найбуйнейшых прадаўцоў звадкаваных вуглевадародных газаў у рэгіёне СНД. Гэтае паліва выкарыстоўваюць для аўтамабіляў, а таксама як сыравіну ў нафтахімічнай вытворчасьці.
Увядзеньне мытаў у Беларусі адбываецца таксама на тле інтэнсіўных удараў украінскіх войскаў па нафтаперапрацоўчых аб'ектах на тэрыторыі Расеі, што прывяло да дэфіцыту паліва ў некалькіх расейскіх рэгіёнах.