Дата дня
30 траўня 1999 году, 27 гадоў таму, адбылася трагедыя на Нямізе, у выніку якой 53 чалавекі загінулі, 250 атрымалі траўмы. Тады ў цэнтры Менску каля Палаца спорту ладзілася сьвята піва. Надвор’е рэзка сапсавалася, пачалася навальніца з градам. Тысячы людзей кінуліся да мэтро, узьнікла цісканіна. Бальшыня загінулых — маладыя людзі ад 14 да 20 гадоў, толькі трое былі старэйшыя за 30. Загінулі 42 дзяўчыны і 2 міліцыянты.
На вечар каля Палаца спорту плянавалі бясплатны канцэрт у рамках фэстывалю «Настрой — лета». Але напярэдадні імпрэзу перанесьлі, спаслаўшыся на прагноз надвор’я. У Менску, як і 27 гадоў таму, чакаецца навальніца.
Помнік у памяць загінулых у цісканіне на Нямізе ў 1999-м
Дзень у гісторыі
1649 — вялікі князь і кароль Ян Казімер ажаніўся зь Людвікай Марыя Ганзага.
1981 — заснаваньне Беларускага аб’яднаньня студэнтаў (БАС) у Польшчы. Нягледзячы на намаганьні заснавальніцкага камітэту, камуністычныя ўлады адмовілі ў рэгістрацыі, а ўвядзеньне ваеннага становішча 13 сьнежня канчаткова забараніла дзейнасьць арганізацыі.
1982 — Гішпанія стала 16-м сябрам NATO (першым пасьля ўступленьня ў Альянс у 1955 годзе Фэдэратыўнай Рэспублікі Нямеччыны).
У гэты дзень нарадзіліся
1221 — Аляксандар Неўскі, князь, сьвяты РПЦ.
1814 — Міхаіл Бакунін, расейскі філёзаф, рэвалюцыянэр, адзін з пачынальнікаў анархізму.
1826 — Зыгмунт Серакоўскі, вайсковец, адзін з кіраўнікоў нацыянальна-вызвольнага паўстаньня 1863–1864 гг.
Зыгмунт Серакоўскі
1896 — Канстанцін Саньнікаў, тэатральны актор і рэжысэр, народны артыст Беларусі.
1910 — Анатоль Трус, тэатральны і кінаактор, народны артыст Беларусі.
1927 — Вітаўт Кіпель, беларуска-амэрыканскі грамадзкі дзеяч і публіцыст. З 1944 году жыў у эміграцыі. Працаваў у Нью-Ёрскай публічнай бібліятэцы, сабраў калекцыю беларускіх выданьняў. Актыўна ўдзельнічаў у беларускім жыцьці ў ЗША.
Вітаўт Кіпель
1946 — у Віцебску нарадзіўся Вальдэмар Калінін, цыганскі паэт, перакладнік Бібліі на цыганскую мову.
У памяці
1416 — Геранім Праскі, чэскі рэлігійны дзяяч, паплечнік Яна Гуса, спалены на вогнішчы.
1431 — Жанна д’Арк, нацыянальная гераіня Францыі і каталіцкая сьвятая, спаленая на вогнішчы.
Жанна д'Арк падчас штурму Арлеану
1778 — Вальтэр, францускі філёзаф.
Франсуа Мары Вальтэр
1960 — Барыс Пастарнак, расейскі паэт і пісьменьнік, ляўрэат Нобэлеўскай прэміі па літаратуры 1958 году.
Барыс Пастарнак
1976 — Аляксей Грыцук, грамадзкі дзяяч, гісторык, літаратуразнавец, старшыня Згуртаваньня беларусаў Канады.
2009 — Аба Шагаловіч, шахіст, заслужаны трэнэр Беларусі.
2010 — Людміла Русава, мастачка і пэрформэрка. У сваёй творчасьці яна зьдзіўляла многіх жанравай і тэматычнай шырынёю свайго канцэптуальнага творчага абсягу: жывапіс, графіка, тэкстыль, інсталяцыі, відэапраекты, фотакаляжы… І — вершы (пад псэўданімам Вераніка Архангельская), а таксама тэарэтычнае асэнсаваньне мастацкіх пошукаў.
ГЛЯДЗІЦЕ ТАКСАМА:
Свабода, лёгкасьць і пісталет: памяці мастачкі Людмілы Русавай2014 — Генадзь Бураўкін, паэт, дзяржаўны дзяяч, першы прадстаўнік незалежнай Беларусі ў ААН.
Генадзь Бураўкін