У Беларусі з 23 красавіка ўвялі новыя абмежаваньні для насельніцтва. Сярод іншага ўлады забаранілі пазыкі паміж фізычнымі асобамі ў замежнай валюце. Выключэньнем тут — блізкія сваякі.
Палата прадстаўнікоў Нацыянальнага сходу летась Беларусі ўхваліла зьмены ў заканадаўства, якія прадугледжваюць абмежаваньне выдачы крэдытаў у замежнай валюце.
У Telegram-канале Палаты прадстаўнікоў адзначалася, што адпаведныя зьмены ўносяцца у Грамадзянскі кодэкс, а таксама ў законы аб валютным рэгуляваньні і валютным кантролі і аб рэкляме.
У прыватнасьці, абмежоўваюцца пазыкі фізычным асобам у замежнай валюце, забараняюцца крэдыты пад заклад маёмасьці, калі гэта адзіны жылы будынак або кватэра, уводзяцца абмежаваньні штрафных санкцыяў і адсоткаў за карыстаньне пазыковымі сродкамі.
Забараняецца таксама магчымасьць валютнай пазыкі паміж фізычнымі асобамі, а таксама ў эквіваленце замежных валютаў ці ва ўмоўных грашовых адзінках, з выняткам блізкіх сваякоў.
Фізычныя асобы, індывідуальныя прадпрымальнікі і юрыдычныя асобы, якія не займаюцца мікрафінансавай дзейнасьцю, ня могуць выдаваць крэдыты. Гэтая магчымасьць застанецца толькі для супрацоўнікаў такіх арганізацыяў.
У Палаце прадстаўнікоў упэўненыя, што такія зьмены «дазволяць павялічыць давер насельніцтва да банкаў і іншых фінансавых арганізацыяў, зьнізіць пазыковую нагрузку на спажыўцоў, забясьпечыць абарону іхных правоў і законных інтарэсаў».