Памёр беларускі мовазнаўца, кандыдат філялягічных навук Уладзімер Куліковіч.
Пра яго сьмерць паведаміла рэдакцыя часопісу «Роднае слова», дзе вядомы філёляг працаваў у свой час галоўным рэдактарам.
Уладзімер Куліковіч нарадзіўся ў 1967 годзе ў Ашмянскім раёне, скончыў Беларускі дзяржаўны ўнівэрсітэт, потым асьпірантуру. Выкладаў у Ліцэі БДУ, быў дацэнтам катэдры сучаснай беларускай мовы БДУ, рэдактарам часопісу «Роднае слова». Апошнія гады жыцьця — дацэнт, загадчык катэдры рэдакцыйна-выдавецкіх тэхналёгій БДТУ.
Уладзімер Куліковіч — аўтар манаграфіі пра Ўладзімера Дубоўку як мовазнаўцу «Тэарэтычныя і практычныя праблемы беларускай мовы ў працах У. Дубоўкі», удзельнік белсатаўскай праграмы «Моўнік», вёў папулярныя цыклі пра беларускія словы ў СМІ.