Улады Беларусі працягваюць перасьлед грамадзян за палітычную пазыцыю. Свабода вядзе хроніку рэпрэсій.
68‑гадовага пэнсіянэра будуць судзіць за «здраду дзяржаве»
Сьледчы камітэт Беларусі сьцьвярджае, што 68-гадовы жыхар Валожынскага раёну нібыта быў завэрбаваны ўкраінскай ваеннай выведкай і зьбіраў інфармацыю аб мясцовых супрацоўніках міліцыі: асабістыя дадзеныя і нумары тэлефонаў.
Акрамя шпіянажу, пэнсіянэру інкрымінуюць распальваньне нацыянальнай варожасьці (ч. 1 арт. 130 КК) праз антырасейскія камэнтары, піша Праваабарончы цэнтар «Вясна».