«Падчас нанясеньня ракетнага ўдару па Таганрогу пацярпела камэрцыйная інфраструктура. Узьнік пажар на тэрыторыі складзкіх памяшканьняў», — напісаў Слюсар у сваім тэлеграм-канале.
Паводле расейскага выданьня ASTRA, гаворка ідзе аб прадпрыемстве «Атлант Аэро», дзе вырабляюць і распрацоўваюць бесьпілётнікі.
Генэральны штаб Узброеных сілаў Украіны пацьвердзіў атаку на «Атлант Аэро». У паведамленьні гаворыцца, што гэты завод «ажыцьцяўляе поўны цыкль праектаваньня, вытворчасьці і выпрабаваньні ўдарна-разьведвальных БПЛА тыпу „Молния“, а таксама камплектуючых да БПЛА „Орион“».
Ваенна-марскія сілы Ўкраіны ўдакладнілі, што ўдар па вытворчым корпусе заводу «Атлант Аэро» быў нанесены ракетамі «Нептун».
Гэтае прадпрыемства ўжо падвяргалася атакам у студзені і сакавіку 2026 года.