Яго чатыры разы запар адпраўлялі на 15 сутак па адміністрацыйных справах. За гэты час КДБ абвясьціў створаны Лапуновым закрыты Telegram-чат «Гомель за Никиту Золоторева» «экстрэмісцкім фармаваньнем».
Пасьля гэтага супраць Міхаіла ўсчалі крымінальную справу за «стварэньне экстрэмісцкага фармаваньня» (ч. 1 арт. 361-1 КК) і «садзейнічаньне экстрэмісцкай дзейнасьці» (ч. 1 і 2 арт. 361-4 КК).
У жніўні 2024 году судзьдзя Алеся Осіпава з Гомельскага абласнога суду пакарала яго зьняволеньнем. Але пра тэрмін праваабаронцы «Вясны» даведаліся толькі цяпер — 5 гадоў.
Трымаюць Міхаіла Лапунова у ваўкавыскай калёніі строгага рэжыму № 11 для паўторна асуджаных.
Ягонага сына, Мікіту Залатарова, затрымалі 11 жніўня 2020 году, калі хлопцу было яшчэ 16 гадоў. 19 сакавіка 2026 году яго памілавалі і выдварылі з краіны.