У 43 працэнтах правераных Міністэрствам антыманапольнага рэгуляваньня і гандлю (МАРГ) выпадкаў працэдур дзяржзакупак для патрэб устаноў аховы здароўя, адукацыі, сельскай гаспадаркі пры будаўніцтве аб’ектаў выяўлены парушэньні.
У прэс-рэлізе, які цытуе Позірк, зазначаецца, што ўсяго маніторынг ахапіў 131 працэдуру.
Сярод асноўных парушэньняў — неправамернае ўстанаўленьне патрабаваньняў да ўдзельнікаў працэдур, умоў прымяненьня прэфэрэнцыйнай папраўкі.
Заказчыкам накіраваныя рэкамэндацыі па выпраўленьні парушэньняў і недахопаў, якія, паводле сьцьвярджэньня ведамства, ужо «выкананы ў поўным абʼёме».
МАРГ таксама прадухіліў правядзеньне працэдур дзяржзакупак з парушэньнем заканадаўства на суму каля 13,2 млн рублёў за названы пэрыяд.