Міжнародны валютны фонд (IMF) панізіў прагноз прыросту валавога ўнутранага прадукту (ВУП) Беларусі ў 2026 годзе на 0,2 % да 1,2 %.
Як адзначаецца ў чарговым аглядзе разьвіцьця глябальнай эканомікі, які апублікаваў Міжнародны валютны фонду, інфляцыя складзе 6,4 % (раней прагназавалі 7,5 %).
Дэфіцыт рахунку бягучых апэрацыяў складзе, адпаведна прагнозам Фонду, 2,7 % да ВУП (раней на 2026 год прагназавалі 3,1 %), а ўзровень беспрацоўя — 2,9 %.
У 2027 годзе МВФ прагназуе павелічэньне ВУП на 1 %, інфляцыю на ўзроўні 6,2 %, дэфіцыт рахунку бягучых апэрацыяў — 3,4 % ад ВУП, беспрацоўе на ўзроўні 2,9 %.
Аляксандр Лукашэнка сваім указам зацьвердзіў прырост ВУП у 2026 годзе на 2,8%, а ўзровень інфляцыі — ня больш за 7 %.