«У Крычаўскай рэдакцыі два новыя супрацоўнікі: рэальны чалавек — цудоўная Яна, і Яфім Марцінавіч — створаны пры дапамозе штучнага інтэлекту», — сказана ў відэазапісе, які выданьне апублікавала 31 сакавіка.
У Міністэрстве інфармацыі Беларусі ўдакладнілі, што першы ў Беларусі віртуальны журналіст Яфім Марцінавіч возьме на сябе блёк навінаў у Tik-Tok, а таксама плянуе сябе рэалізаваць як інтэрвіюера.
«Гасьцей ужо чакаюць у студыі», — сказана ў паведамленьні ведамства.
ГЛЯДЗІЦЕ ТАКСАМА:
Робат-асыстэнт Алена. У Беларусі сама меней на двух газавых прадпрыемствах пачалі выкарыстоўваць ШІЛетась у Беларусі ўсё часьцей пачалі выкарыстоўваць магчымасьці штучнага інтэлекту. У жніўні 2025 году стала вядома, што сама меней на двух газавых прадпрыемствах пачала працаваць робат-асыстэнтка Алена, створаная пры дапамозе штучнага інтэлекту.
У кастрычніку паведамілі, што ў Менску рынкавы кошт кватэраў будзе ацэньваць штучны інтэлект.
Перад гэтым, у красавіку 2025-га, разьвіцьцё штучнага інтэлекту ўключылі ў прыярытэтныя кірункі навуковай, навукова-тэхнічнай і інавацыйнай дзейнасьці ў Беларусі на 2026–2030 гады.