Дзясяты дзень запар на мэтэастанцыях Беларусі абнаўляюцца тэмпэратурныя рэкорды, сьведчыць праведзены «Позіркам» параўнальны аналіз апэратыўных і даступных архіўных даных Белгідрамета.
29 сакавіка перапісана 11 лякальных максымумаў, у тым ліку амаль 60-гадовай даўніны. Другі дзень запар перапісваюцца экстрэмумы ў Менску.
Паветра ў сталіцы Беларусі прагрэлася да 16,2 градуса (было 15,8 у 2007 годзе).
Агулам з пачатку сакавіка адзначана каля 190 лякальных тэмпэратурных рэкордаў.
На 30 сакавіка Белгідрамет зьмяніў першапачатковы прагноз: чакаецца не да 17, а да 19 градусаў. На мэтэастанцыях, разьмешчаных на ўсходзе Віцебскай і Магілёўскай абласьцей, ужо перавышаныя дзённыя гістарычныя максымумы.
ГЛЯДЗІЦЕ ТАКСАМА: За апошнія пяць дзён у Беларусі перапісана больш за 70 тэмпэратурных рэкордаў