«ISW даўно мяркуе, што Расея дэ-факта анэксавала Беларусі і што гэтыя дзяржавы маюць аб’яднаную абаронна-прамысловую базу. Такім чынам, скасаваньне санкцыяў ЗША супраць Беларусі наўпрост спрыяе ваенным захадам Расеі», — адзначаецца ў справаздачы інстытуту.
19 сакавіка пасьля сустрэчы з амэрыканскай дэлегацыяй улады Беларусі вызвалілі 250 палітычных зьняволеных. У сваю чаргу прадстаўнікі ЗША паведамілі аб скасаваньні санкцыяў, накладзеных на «Белінвэстбанк», «Банк разьвіцьця», Міністэрства фінансаў, а таксама на Беларускую калійную кампанію і «Беларуськалій».
Пасьля гэтага спэцыяльны пасланьнік прэзыдэнта ЗША Джон Коўл заявіў, што спадзяецца на вызваленьне да канца году ўсіх палітычных зьняволеных у Беларусі. «Мы лічым, што нам удасца зрабіць больш, і, спадзяюся, да канца году будуць вызваленыя ўсе», — сказаў Джон Коўл у інтэрвію тэлеканалу Newsmax.
ГЛЯДЗІЦЕ ТАКСАМА: Хто вызваляе палітвязьняў у Беларусі — санкцыі ці дыпляматыя Трампа? — меркаваньне эканаміста Дзьмітрыя Някрасава