У гэты дзень
1229 — армія крыжакоў заняла Ерусалім.
1597 — кароль і вялікі князь Жыгімонт Ваза надаў Віцебску магдэбурскае права і герб.
Герб Віцебску
1861 — у Турыне абвяшчаецца стварэньне Італьянскага каралеўства.
1917 — у Кіеве ўтвораная Ўкраінская Цэнтральная Рада.
1948 — Бэльгія, Вялікая Брытанія, Люксэмбург, Нідэрлянды і Францыя падпісалі Брусэльскі пакт аб стварэньні абарончага Заходняга зьвязу — аднаго з папярэднікаў NATO (якое будзе абвешчана 4 красавіка 1949 году).
1969 — Голда Мэір, дзяцінства якой прайшло ў Пінску, заступіла на пасаду прэм’ер-міністра Ізраілю.
1983 — упершыню масавае Гуканьне вясны ў Менску, у Купалаўскім парку, наладзіла моладзевае патрыятычнае згуртаваньне «Беларуская майстроўня». Сьвяткаваньне стала штогадовым і давала магчымасьць легальнага збору нацыянальна сьведамых людзей у цэнтры сталіцы.
Гуканьне вясны, 1983 год
1991 — у СССР прайшоў рэфэрэндум аб праекце новага саюзнага пагадненьня. У Беларусі за захаваньне Савецкага Саюзу, паводле афіцыйных зьвестак, былі аддадзеныя 82,7% галасоў (гэта самы вялікі адсотак пасьля Сярэдняй Азіі).
2023 — кіраўніцам Tut.by Марыне Золатавай і Людміле Чэкінай вынесьлі прысуд — па 12 гадоў калёніі.
У гэты дзень нарадзіліся
1746 — Ян Голянд, кампазытар. На запрашэньне князёў Радзівілаў Голянд прыбыў зь Нямеччыны ў Нясьвіж і стаў вядомым беларускім капэльмайстрам і кампазытарам.
1789 — Вінцэнт Бучынскі, прафэсар філязофіі Полацкай езуіцкай акадэміі, заснавальнік і рэдактар першага ў Беларусі літаратурна-навуковага часопіса «Полацкі штомесячнік», які пачаў выходзіць у 1818 годзе.
1808 — Сымон Канарскі, дзеяч вызвольнага руху 1830-х, удзельнік паўстаньня 1831 году.
1876 — Майсей Ляйбоўскі, мастак, загінуў у віленскім гета.
1891 — Мацьвей Манізер, заслужаны савецкі скульптар, аўтар помніка Леніну, які быў усталяваны ў Менску перад Домам ураду ў 1933 годзе і, пераадліты ў 1945-м, стаіць дагэтуль.
1898 — Ізі Харык, паэт, ахвяра сталінізму.
ГЛЯДЗІЦЕ ТАКСАМА: Расстраляныя літаратары. Ізі Харык, сіяніст, які стаў камуністам і ад камуністаў загінуў1922 — Лявон Луцкевіч, грамадзка-палітычны і культурны дзяяч, вязень савецкіх канцлягераў, сын Антона Луцкевіча.
ГЛЯДЗІЦЕ ТАКСАМА: Луцкевічы, Ластоўскі, Вітан-Дубейкаўскі. Да Дня Волі прагуляйцеся па адрасах БНР у ВільніУ памяці
461 — Патрык, каталіцкі сьвяты, заступнік Ірляндыі, дзень яго сьмерці — дзяржаўнае сьвята ў Ірляндыі. Звычайна ў гэты дзень праводзяцца парады, фестывалі, кейлі, іх удзельнікі носяць зялёную вопратку альбо трылісьнікі.
1807 — Казімер Нарбут, асьветнік і філёзаф.
1928 — Антон Брадоўскі, нумізмат, заснавальнік музэя ў Віцебску.
1951 — Альбэрт Паўловіч, беларускі паэт і перакладнік. Пачаў друкавацца ў «Нашай Ніве» ў 1907 годзе. У яго доме ў Менску ў пачатку ХХ стагодзьдзя быў літаратурны салён, дзе зьбіраліся тагачасныя беларускія пісьменьнікі.
Пакінь пытаць аб край, аб мове:
Сваё над жыцьце я люблю,
І ў прывітаньні, ў кожным слове
Я беларускі тон лаўлю,
Што з глыбі шчырай, непадкупнай
Цурком з душы жывой плыве,
Гдзе ў працы чорнай, цяжкай, рупнай
Сумленьне з згодаю жыве.
Пакінь пытаць! Ня дам я веры,
Каб Беларусь хто мог забыць:
Я пэўны — кожны з нас бязь меры
Любіў і будзе век любіць!!
Альбэрт Паўловіч
1985 — Мікалай Гусараў, кіраўнік БССР (1947—50).
2005 — Джордж Фрост Кенан, амэрыканскі дыплямат і гісторык, аўтар стратэгіі стрымліваньня СССР.
Джордж Фрост Кенан, 1947