Як паведамілі ў арганізацыі, кантракты, якія атрымалі ў BelPol, паказваюць маштаб паставак абсталяваньня для вырабу мікрачыпаў і сетку расейскіх прадпрыемстваў, якія атрымліваюць такую тэхніку. Кошт зьнішчанага абсталяваньня ацэньваецца ў «мільёны даляраў».
Згодна з дакумэнтамі, на якія спасылаецца BelPol, «Планар» пастаўляў на бранскае прадпрыемства абсталяваньне сама меней дзевяці катэгорыяў.
У якасьці пацьверджаньня арганізацыя апублікавала адзін з кантрактаў, паводле якога зь Беларусі ў 2023 і 2024 гадах паставілі рознага тыпу ўстановак амаль на 4 мільёны даляраў.
У BelPol апублікавалі поўны пералік расейскіх кампаніяў і прадпрыемстваў, якія забясьпечвае абсталяваньнем беларускае ААТ «Планар», у тым ліку ў Маскве, Калузе, Томску, Новасібірску, Ніжнім Ноўгарадзе і іншых гарадах Расеі.
Украінскія сілы нанесьлі ўдар па заводзе мікраэлектронікі «Кремний Эл» у Бранску 10 сакавіка. Прадпрыемства вырабляе чыпы для ракетных комплексаў і бесьпілётнікаў. Тады ўлады Бранску паведамілі пра 6 загінулых і дзясяткі параненых.
ГЛЯДЗІЦЕ ТАКСАМА: Украіна атакавала завод мікраэлектронікі ў Бранску, які вырабляе чыпы для ракет і бесьпілётнікаў