У Берасьцейскім абласным судзе 10 сакавіка вынесьлі чарговы завочны прысуд паводле палітычных матываў. 40-гадовага Дзьмітрыя Баніту асудзілі за камэнтары, якія кваліфікавалі паводле пяці артыкулаў Крымінальнага кодэксу, піша Вясна.
Мужчыну прызналі вінаватым у:
- «распальваньні іншай сацыяльнай варожасьці» (ч.1 арт. 130 КК);
- «абразе прадстаўніка ўлады» (арт. 369 КК);
- «паклёпе» (арт. 188 КК);
- «пагрозе гвалту ў дачыненьні супрацоўніка» (арт. 364 КК);
- «распаўсюдзе інфармацыі аб прыватным жыцьці ды пэрсанальных даных» (арт. 203-1 КК).
У выніку Дзьмітрыю завочна прызначылі 6 гадоў калёніі ва ўмовах узмоцненага рэжыму са штрафам у памеры 1000 базавых велічынь (45 000 рублёў). Акрамя гэтага, яго пазбавілі вайсковага званьня «малодшы сяржант запасу».
Спэцыяльнае вядзеньне ў дачыненьні Дзьмітрыя Баніты распачалі ў кастрычніку 2025 году. Завочны працэс у справе ў Берасьцейскім абласным судзе пачаўся 16 лютага 2026 году.
ГЛЯДЗІЦЕ ТАКСАМА:
Хроніка перасьледу 4 сакавіка: завочны вырак за допісы аб пракурору ў сацыяльных сеткахУлады Беларусі ўнесьлі ў «экстрэмісцкі» сьпіс міжнародную праваабарончую арганізацыю
Гаворка пра Міжнароднае таварыства правоў чалавека, заснаванае ў Нямеччыне ў 1972 годзе. Гэтая арганізацыя мае статус удзельніка пры Радзе Эўропы.
Старонкі арганізацыі ў Instagram, X i Facebook 10 сакавіка прызнаў «экстрэмісцкімі» суд Горацкага раёну, піша «Вясна».
«Экстрэмісцкі» сьпіс таксама папоўнілі
- byaroza_info (TikTok)
- gomelnovosti33 (TikTok)
- Marginez | Маргiнэз (Telegram).
КДБ унёс у сьпіс «тэрарыстаў» 19-гадовага беларуса
Гэта Ўладзіслаў Варонін, якога асудзілі паводле 10 артыкулаў Крымінальнага кодэксу. Раней МУС і КДБ сьцьвярджалі, што Ўладзіслаў мае дачыненьне да «экстрэмісцкіх фармаваньняў» «Перт» і «ДУХ РУСИ».
Цяпер у «тэрарыстычным сьпісе» 1425 чалавек, зь іх 680 — беларусы, паведаміла «Вясна».