Пад расейскімі абстрэламі — жылы сэктар і інфраструктура
Улады Запароскай вобласьці паведамілі, што расейскія войскі атакавалі 29 населеных пунктаў рэгіёну з баявой авіяцыі, артылерыі і пры дапамозе дронаў. Раненьні атрымалі чатыры чалавекі, у тым ліку двое дзяцей ва ўзросьце 9 і 15 гадоў. Улады Запарожжа заявілі, што расейцы нанесьлі 808 удараў, у тым ліку 20 — з авіяцыі, а таксама выкарысталі 574 дроны.
У Херсонскай вобласьці — чатыры чалавекі загінулі і пяць атрымалі раненьні. Ад расейскіх абстрэлаў пацярпеў 31 населены пункт — пашкоджана інфраструктура, 5 шматпавярховых дамоў і 6 прыватных будынкаў.
У Днепрапятроўскай вобласьці загінуў адзін чалавек. Расейцы больш за 10 разоў атакавалі тры раёны рэгіёну бесьпілётнікі, а таксама з артылерыі і авіяцыі. Пашкоджана транспартнае прадпрыемства і пяціпавярховы дом.
ГЛЯДЗІЦЕ ТАКСАМА: Расея некалькі разоў абстраляла Херсон. Загінулі чацьвёра мірных жыхароўУ Новарасійску пад атакай быў нафтавы тэрмінал
Губэрнатар Краснадарскага краю Веньямін Кандрацьеў заявіў аб «вельмі моцным удары па Новарасійску» — там увялі рэжым надзвычайнай сытуацыі. У гэтым горадзе знаходзіцца нафтавы тэрмінал, але ўлады сьцьвярджаюць, што ад украінскіх бесьпілётнікаў нібыта пацярпеў толькі жылы сэктар і параненыя пяць чалавек.
Паводле Міністэрства абароны Расеі, над Краснадарскім краем зьбілі 66 украінскіх бесьпілётнікаў.
У той жа час шэраг украінскіх маніторынгавых каналаў паведамілі, што ў выніку атакі ўначы загарэўся менавіта нафтавы тэрмінал. Пажар пакуль ня могуць патушыць.
Паводле кіраўніка ўкраінскага Цэнтра вывучэньня акупацыі Пятра Андрушчанкі, атака на Новарасійск працягвалася амаль 24 гадзіны, і ў выніку яе пацярпеў нафтаналіўны тэрмінал «Шэсхарыс» — адзін з найбольшых і стратэгічных марскіх комплексаў Расеі па прыёме, захоўваньні і перавалкі нафты і нафтапрадуктаў на танкеры. Папярэдняя атака на гэты тэрмінал адбылася летась у лістападзе.
Пазьней мэр Новарасійска Андрэй Краўчанка паведаміў, што ўначы загарэўся паліўны тэрмінал. Узгараньне лякалізавалі на плошчы 120 квадратных мэтраў. Паводле яго, у тушэньні пажару ўдзельнічаюць 38 чалавек і 10 адзінак тэхнікі.