На месцы трагедыі працягваюцца пошукі людзей пад заваламі.
Афіцыйныя асобы Аб’яднаных Арабскіх Эміратаў таксама заявілі пра трох загінулых і 58 параненых у краіне з пачатку іранскіх атак на рэгіён Пэрсыдзкай затокі, якія сталі адказам на ваенныя апэрацыі ЗША і Ізраілю.
Паводле Міністэрства абароны ААЭ, Іран запусьціў па краіне 165 балістычных і 2 крылатыя ракеты, а таксама 541 іранскі дрон. Большасьць зь іх удалося зьбіць.
Раварыст назірае за тым, як над Дубаем падае снарад, 28 лютага 2026
Афіцыйныя асобы Кувэйта заявілі 1 сакавіка, што ад іранскіх атак 1 чалавек загінуў і 32 атрымалі раненьні.
Паводле іранскага таварыства Чырвонага Паўмесяца, у Іране загінулі больш за 200 чалавек і параненыя больш за 700. Паводле іранскага інфармагенцтва ILNA, 118 чалавек сярод загінулых — школьнікі.
Разбураная выбухам школа для дзяўчынак у Мінабе. Іран, 28 лютага 2026