Сытуацыя была пад кантролем і не пагражала людзям або бясьпецы паветранага руху, паведаміла Апэратыўнае камандаваньне Ўзброенымі сіламі ў сацыяльнай сетцы X.
У паведамленьні ня згадвалася краіна, зь якой запусьцілі шары, але прэс-сакратар падпалкоўнік Яцэк Гарышэўскі паведаміў польскаму выданьню Interia, што гэта была Беларусь.
Мінулае парушэньне паветранай прасторы Польшчы паветранымі балёнамі было ўначы на 4 лютага.
Сёлета пачасьціліся прылёты ў Польшчу паветраных балёнаў з кантрабандай зь Беларусі. Раней такія прылёты выклікалі крызіс у адносінах Беларусі і Літвы.
Паветраныя балёны ствараюць праблемы для цывільнай авіяцыі ў Літве. Апошні інцыдэнт, найбуйнейшы сёлета, адбыўся 27 студзеня. У выніку віленскі аэрапорт закрывалі тройчы, у выніку чаго пацярпелі 1,7 тысячы пасажыраў.
У канцы 2025 году кантрабандныя балёны зь Беларусі больш за 10 разоў парушалі дзейнасьць літоўскіх аэрапортаў.
ГЛЯДЗІЦЕ ТАКСАМА: Літва будзе перадаваць Беларусі інфармацыю аб беларускіх кантрабандыстах і абвяшчаць іх вышук праз Інтэрпол ГЛЯДЗІЦЕ ТАКСАМА: У Польшчы раскрылі групу, якая займалася паветранай кантрабандай цыгарэт зь Беларусі