Суд

Хроніка перасьледу 6 лютага: асуджаных у справе «дваровых чатаў» унесьлі ў сьпіс «экстрэмістаў»

Суд у Магілёве, архіўнае фота

Свабода вядзе храналёгію судоў, затрыманьняў, іншага перасьледу з палітычных матываў у Беларусі.

Жыхароў Ваўкавыску, асуджаных у справе «дваровых чатаў», унесьлі ў сьпіс «экстрэмістаў»

МУС абнавіла «сьпіс асобаў, якія маюць дачыненьне да экстрэмісцкай дзейнасьці». У яго ўключылі 35 чалавек. Як піша праваабарончы цэнтар «Вясна», зараз у ім прозьвішчы 6261 чалавека.

У пятніцу 6 лютага ў сьпіс уключылі сярод іншых палітвязьняў, асуджаных па «справе дваровых чатаў»: Ільлю Ходаса (яму прысудзілі 2 гады 9 месяцаў калёніі), Віталя Цінекеля (яму прысудзілі 2 гады 10 месяцаў калёніі), Вольгу Пракопчык (асуджаную на 6 гадоў). Усіх іх судзілі паводле артыкулу аб стварэньні «экстрэмісцкага фармаваньня» (артыкул 361-1 Крымінальнага кодэксу).

У сьпіс дадалі блогера Максіма Шуканава, аўтара каналу Union Bell, асуджанага на 4 гады калёніі паводле артыкулаў аб «грубым парушэньні парадку» (артыкул 342 КК), стварэньні «экстрэмісцкага фармаваньня» і «садзейнічаньні экстрэмісцкай дзейнасьці» (артыкулы 361-1 і 361-4 КК).

Увесь сьпіс людзей, унесеных у сьпіс на гэтым тыдні

  1. Вольга Алешкевіч, 41 год
  2. Уладзімір Буткевіч, 45 гадоў
  3. Ангеліна Васільева, 33 гады
  4. Паліна Верамяйчук, 27 гадоў
  5. Міхаіл Горбач, 44 гады
  6. Ірына Дабрыновіч, 59 гадоў
  7. Юлія Дзяркач, 33 гады
  8. Алена Жукава, 57 гадоў
  9. Кірыл Каешка, 27 гадоў
  10. Іван Качайла, 50 гадоў
  11. Натальля Краўчак, 56 гадоў
  12. Аляксандар Лебедзь, 50 гадоў
  13. Ірына Лебедзь, 42 гады
  14. Ілья Лукашэвіч, 30 гадоў
  15. Тацьцяна Магнусава, 49 гадоў
  16. Аляксандар Маркін, 20 гадоў
  17. Тацьцяна Палубок, 47 гадоў
  18. Вераніка Пастушэні, 48 гадоў
  19. Павел Пісьмянкоў, 28 гадоў
  20. Вольга Пракопчык, 47 гадоў
  21. Уладзіслаў Саўчук, 29 гадоў
  22. Яўген Скрыпко, 22 гады
  23. Андрэй Сугак, 39 гадоў
  24. Аляксандар Сульжыц, 45 гадоў
  25. Яна Сырэвіч, 34 гады
  26. Віктар Турчэнік, 36 гадоў
  27. Ігар Хіневіч, 53 гады
  28. Ілья Ходас, 45 гадоў
  29. Віталь Цынкель, 51 год
  30. Сяргей Шкодзін, 42 гады
  31. Людміла Шрубок, 48 гадоў
  32. Тацьцяна Штайда, 39 гадоў
  33. Максім Шуканаў, 37 гадоў
  34. Лілія Юруць, 49 гадоў
  35. Станіслаў Ярмалюк, 26 гадоў
ГЛЯДЗІЦЕ ТАКСАМА: Хроніка перасьледу 2 лютага: за «экстрэмізм» асудзілі прадпрымальніка зь Берасьця

Кіроўцу аўтобусу з Магілёва асудзілі за падабайкі ў сацсетках

Андрэя Шмаянкова асудзілі паводле ч. 1 арт. 367 КК («паклёп на Лукашэнку») і арт. 370 («зьдзек зь дзяржаўных сымбаляў»). Суд Ленінскага раёну Магілёва прысудзіў яму, падобна, калёнію ці «хімію» з накіраваньнем у месцы адбыцьця кары, дакладны тэрмін невядомы, піша «Наша Ніва».

Андрэю Шмаянкову 52 гады, ён жыве ў Магілёве, працаваў кіроўцам аўтобусу. Вядома, што раней ён езьдзіў на заробкі ў Расею.

Перасьледаваць магілёўца пачалі за яго старонкі ў «Одноклассниках». Спэцыфіка гэтай расейскай сацыяльнай сеткі такая, што пастаўлены пад допісам «клас» (падабайка) аўтаматычна працуе як рэпост, у выніку ўпадабаны допіс аўтаматычна адлюстроўваецца ў стужцы чалавека. Многія карыстальнікі пра гэта ня ведаюць. Шмаянкоў некалькі разоў упадабаў навіны з 2020 году, але амаль напэўна забыўся пра гэта.

ГЛЯДЗІЦЕ ТАКСАМА: Хроніка перасьледу 5 лютага: у івацэвіцкай калёніі палітвязьняў масава адпраўляюць у ШІЗА

У сьпіс «экстрэмісцкіх матэрыялаў» улады дадалі 14 старонак у сацсетках

  1. Беларускі дом ў Эстоніі // Valgevene Maja (Facebook)
  2. Народная амбасада Беларусі ў Ізраілі (Facebook)
  3. НСООБЕ Остенланд (Telegram)
  4. Серега Серегин (Instagram)
  5. Этнацэнтр Світанак // Etnacentr Svitanak (Facebook)
  6. askerkaalyaxey (Instagram)
  7. etnacentr_svitanak (Threads)
  8. ferri_slow_ (Threads)
  9. gulagu_net (Instagram)
  10. Horst Wessel (Telegram)
  11. kavalkova_volya (Instagram)
  12. knyrovich_business (Instagram)
  13. Waffen "Расеяне" (Telegram)
  14. yuras100 (Instagram)

Крыніца — «Вясна»