Мэр Кіева Віталь Клічко напісаў, што безь сьвятла пасьля атакі засталіся каля 6 тысяч шматпавярховікаў, зь іх каля 1600 заставаліся безь сьвятла і ўраньні 25 студзеня.
Таксама былі атакаваныя Харкаў і Нікапаль. Пацярпелі дзясяткі чалавек, у тым ліку дзіця.
У Расеі вечары ў суботу пад абстрэл з боку Ўкраіны трапіў Белгарад, паведаміў губэрнатар Вячаслаў Гладкоў.
Паводле яго, гэта быў самы моцны абстрэл гораду. У выніку яго адбылася аварыя ў сыстэме энэргазабесьпячэньня.
Паводле мэра Белгараду Валянціна Дзямідава, пасьля абстрэлу спынілася помпавая станцыя, якая забясьпечвае цяплом некалькі дамоў. Тэлеграм-канал «Пепел» паведаміў, што была атакаваная Белгарадзкая ЦЭЦ.
У вобласьці пацярпелі некалькі чалавек, у тым ліку дзіця, паведаміў Гладкоў.
Таксама дроны атакавалі Бранскую, Растоўскую, Арлоўскую, Астраханскую вобласьці і Краснадарскі край Расеі.
ГЛЯДЗІЦЕ ТАКСАМА: Перамовы паміж прадстаўнікамі Украіны, ЗША і Расеі ў Абу-Дабі завяршыліся