Беларускім мытным органам далі права правяраць дазволы замежных перавозьнікаў ня толькі на мяжы, але і ў пунктах мытнага афармленьня. Гэта прадугледжана ўказам, падпісаным Аляксандрам Лукашэнкам 22 студзеня, піша тэлеграм-канал ягонай прэс-службы.
Указ мае на мэце ўдасканаленьне дзейнасьці мытных органаў. Ён надае мытнікам дадатковыя паўнамоцтвы.
У прыватнасьці, цяпер яны змогуць правяраць дазволы замежных перавозьнікаў на праезд празь Беларусь, ужо на ведамасных пунктах мытнага афармленьня.
Раней мытныя органы маглі праводзіць такія праверкі толькі на мяжы. Навацыя, гаворыцца ў дакумэнце, «павысіць эфэктыўнасьць кантролю за міжнародным аўтамабільным транспартам у Беларусі».
Нагадаем, што Літва і Беларусь ужо некалькі месяцаў ня могуць разьвязаць праблему літоўскіх перавозьнікаў, машыны якіх прымусова адправілі на стаянкі пасьля рашэньня Літвы часова закрыць дзяржаўную мяжу.
ГЛЯДЗІЦЕ ТАКСАМА: Прэм’ерка Літвы рэкамэндавала перавозьнікам падаваць пазоў на беларускі, а не літоўскі ўрад