20 студзеня каля дому № 22 на вуліцы Жодзінскай у Смалявічах адбыўся парыў трубаправоду дыямэтрам 219 мілімэтраў. Ліквідацыяй пашкоджаньня займаюцца камунальнікі зь мясцовай службы ЖКГ, паведаміла выданьне smolevichi-24.by, прыводзячы шмат фота і відэа зь месца падзей.
Рабочыя былі вымушаныя часова спыніць працу цэнтральнай кацельні гораду. З-за гэтага ў 47 шматкватэрных і 16 прыватных дамах узьніклі перабоі з ацяпленьнем.
Як паведаміў намесьнік старшыні Смалявіцкага райвыканкаму Аляксей Гарбач, рамонтныя работы ўжо пачаліся і, паводле ацэнак, зоймуць каля 4—5 гадзін. Поўнае аднаўленьне абаграваньня ва ўсіх дамах плянуецца да раніцы.
Гэта чарговая аварыя на цеплатрасе ў беларускіх гарадах, праз што частка жыхароў доўга сядзіць без ацяпленьня. Раней такія праблемы былі ў Гомлі, Жодзіне, Менску і Барысаве.
ГЛЯДЗІЦЕ ТАКСАМА: У Менску пасьля аварыі ў жылых дамах двух раёнаў другі дзень няма цяплаУ Беларусі віруе цыклён «Улі». Што адбываецца ў гарадах і на дарогах. ФОТА