З-за пашкоджання ўчастку № 41 цэнтральнага ацяпленьня тэмпэратура цепланосьбіта зьнізілася для некаторых спажыўцоў у Фрунзэнскім, Маскоўскім, Цэнтральным, Савецкім і Кастрычніцкім раёнах, паведамілі ў «Менскэнэрга». Такое паведамленьне зьявілася каля 6-й гадзіны раніцы.
Адмыслоўцы цяпер працуюць над вызначэньнем прычыны пашкоджаньня.
У цяперашні час вядуцца работы па аднаўленьні тэмпэратурных і гідраўлічных эксплюатацыйных умоў сыстэмы ацяпленьня.
Дзяржаўнае камунальнае прадпрыемства запэўнівае грамадзян, што работы вядуцца каб найхутчэй вярнуць ацяпленьне ў дамы.
На мінулым тыдні без ацяпленьня засталася частка гораду Жодзіна, там прарвала цеплатрасу. Таксама аварыя, якая пакінула вялікую колькасьць жыхароў без ацяпленьня ў маразы, адбылася ў Гомлі.
ГЛЯДЗІЦЕ ТАКСАМА: У Гомлі з-за аварыі 90 прыватных дамоў засталіся без вады