«Пасьля 72 гадзін карантыну будуць праведзеныя папрабаваныя вэтэрынарныя мерапрыемствы і вырашанае пытаньне пра далейшае „месца жыхарства“ жывёлы, — гаворыцца ў паведамленьні. — Ужо зразумела, што незвычайны „пасажыр“ аўто, які паступіў для афармленьня ў Горадзенскую рэгіянальную мытню, з ежы найбольш упадабаў курыныя яйкі. Да людзей Сеня (так назвалі жывёлу. — „Позірк“.) ставіцца прыязна».
Як паведамляў «Позірк», 14 студзеня супрацоўнікі горадзенскай мытні і прадпрыемства «Белмытсэрвіс» выявілі янота ў аўтамабілі, які перамяшчаўся ў марскім кантэйнэры. Мытнікі выказалі здагадку, што жывёла «забралася ў кантэйнэр яшчэ на этапе пагрузкі і пасьпяхова пераадолела працяглы шлях праз акіян».
Паведамлялася, што пасьля завяршэньня карантынных мерапрыемстваў янота перададуць Налібоцкую пушчу (разьмешчаная на тэрыторыі Горадзенскай і Менскай абласьцей) або ў Горадзенскі заапарк.
Рашэньне будзе прынятае «з улікам стану жывёльнага і вэтэрынарных заключэньняў».
ГЛЯДЗІЦЕ ТАКСАМА: Яноты могуць стаць хатнімі гадаванцамі амэрыканцаў. А ў Беларусь вярнуліся яноты-паласкуны