Як адзначаецца ў паведамленьні, яны нібыта арганізавалі «шэрую» схему легалізацыі ў Беларусі «прадстаўнікоў сярэднеазіяцкага рэгіёну».
Сілавікі высьветлілі, што яны дапамагалі мігрантам у незаконным уезьдзе і знаходжаньні ў Беларусі. У прыватнасьці, яны выраблялі і надавалі ў дзяржаўныя ўстановы сьвядома падробленыя дакумэнты як ад фіктыўных, так і ад рэальных працадаўцаў, і такім чынам забясьпечвалі «нелегалам атрыманьне віз і дазволаў на часовае пражываньне ў Беларусі».
ГЛЯДЗІЦЕ ТАКСАМА: Мігрантку з Гвінэі дэпартавалі зь Беларусі, а яе дачку забралі ў дзіцячы дом у МенскуЗгодна зь інфармацыяй упраўленьня ўнутраных спраў Менскага аблвыканкаму, паслугамі затрыманых пасьпелі скарыстацца больш за 100 іншаземцаў, якія ўладкаваліся ў Беларусі на працу ў таксі, на базарах і на прадпрыемствах грамадзкага харчаваньня. Мігранты плацілі па 200 даляраў за візавую падтрымку, і потым пасьля ўладкаваньня яшчэ столькі ж кожны месяц.
Справу расьсьледуюць паводле факту «арганізацыі каналу незаконнай міграцыі». Затрыманым пагражае да 7 гадоў пазбаўленьня волі.
Усіх, хто пасьпеў скарыстацца дапамогай затрыманых, паабяцалі выдварыць зь Беларусі.
ГЛЯДЗІЦЕ ТАКСАМА: Мігрантку з Гвінэі дэпартавалі зь Беларусі, а яе дачку забралі ў дзіцячы дом у Менску