Праваабаронцам «Вясны» стала вядома, што Дзьмітрыя і Вольгу Капузаў асудзілі на 24 і 21 год пазбаўленьня волі адпаведна. Таксама іх унесьлі ў «сьпіс тэрарыстаў».
36-гадовых Дзьмітрыя і Вольгу Капузаў затрымалі 16 студзеня 2024 году. Муж з жонкай родам з Дарагічынскага раёну, жылі каля беларуска-ўкраінскай мяжы. Тады агулам затрымалі групу з 12 чалавек.
Дзьмітрыя і Вольгу паказалі ў прапагандысцкім відэароліку. Паводле вэрсіі беларускіх прапагандыстаў, пара нібыта працавала на спэцслужбы Ўкраіны. Сьцьвярджалася, што жыхары Дарагічынскага раёну дапамагалі Службе бясьпекі Ўкраіны — забіралі выбухоўку і рабілі сховы на тэрыторыі Беларусі.
Вольга і Дзьмітры Капузы, каляж
У прапагандысцкім відэа таксама паказалі, як Дзьмітрыю пры затрыманьні прастрэлілі сьцягно. А пазьней — як ён перасоўваецца на мыліцах.
Брата Дзьмітрыя адразу па затрыманьні супрацоўнікі КДБ білі па галаве.
ГЛЯДЗІЦЕ ТАКСАМА: Магчыма, жорсткасьць рэпрэсіяў крыху зьменшылася, — палітычны аналітык Рудкоўскі