Усіх, хто ведае нешта, просяць зьвязацца з паліцэйскім пастарункам у Лімасоле або патэлефанаваць на гарачую лінію кіпрскай паліцыі.
У 2003-2013 гадах Баўмгертнер быў камэрцыйным, а потым генэральным дырэктарам расейскай кампаніі «Ўралкалій». Пазьней, з сакавіка 2017 году па кастрычнік 2021 году ён займаў пасаду генэральнага дырэктара кампаніі Alevo.
У жніўні 2013 году па абвінавачаньні ў злоўжываньні паўнамоцтвамі ён быў арыштаваны ў Беларусі, куды прыбыў для правядзеньня перамоваў са старшынёй беларускага ўраду Міхаілам Мясьніковічам. Баўмгертнер стаў самым высокапастаўленым расейскім топ-мэнэджэрам, узятым пад варту ў Беларусі ў найноўшай гісторыі.
Акалічнасьці затрыманьня ў аэрапорце перад вылетам у Расею, трохмесячнае знаходжаньне ў сьледчым ізалятары і пад хатнім арыштам у Менску, складаныя перамовы на высокім узроўні аб вызваленьні, прыцягнулі да лёсу бізнэсоўца значную ўвагу грамадзкасьці і СМІ. У лістападзе 2013 году Баўмгертнера перадалі Расеі.
ГЛЯДЗІЦЕ ТАКСАМА: 5 скандальных арыштаў на беларускай мяжы