Як піша The Times, гаворка ідзе пра суму каля паўтара мільярда фунтаў, атрыманых ад продажу «Чэлсі». Паводле выданьня, Абрамовіч мае намер ігнараваць патрабаваньні прэм’ер-міністра Брытаніі Кіра Стармэра аб перадачы ўсіх гэтых грошай.
The Times таксама паведамляе, што мільярдэр наняў каманду юрыстаў для ўдзелу ў судовым працэсе. Сярод іх — былы дарадца прэзыдэнта ЗША Дональда Трампа Эрык Гершман. Абрамовіч, паводле інфармацыі выданьня, плянуе падаць сустрэчны пазоў на суму каля двух з паловай мільёнаў фунтаў.
Сродкі ад продажу «Чэлсі» ў памеры больш за два мільярды фунтаў, а таксама 150 мільёнаў фунтаў працэнтаў, з 2022 году замарожаныя на банкаўскім рахунку кампаніі Абрамовіча Fordstam Ltd.
Агулам суды Джэрзі замарозілі актывы бізнэсоўца на суму больш за пяць мільярдаў фунтаў. Гэта зьвязана з расьсьледаваньнямі па падазрэньні ў адмываньні грошай і з санкцыям. Прадстаўнікі Абрамовіча сьцьвярджаюць, што судовыя працэсы і замарозка сродкаў блякуюць юрыдычны мэханізм для выплаты сродкаў Украіне.
ГЛЯДЗІЦЕ ТАКСАМА: Як ціснуць на Лукашэнку і алігархаў, а не на звычайных беларусаў. Расказвае канадзкі ініцыятар санкцыяў ГЛЯДЗІЦЕ ТАКСАМА: Дзеці расейскага мільярдэра Абрамовіча атрымалі пашпарты Літвы і дапамагалі бацьку абыходзіць санкцыі