Як паведаміла агенцтва BNS са спасылкай на МЗС Літвы, у сераду, беларускаму боку зноў было «настойліва рэкамэндавана забясьпечыць эфэктыўны кантроль над сваёй паветранай прасторай і вярнуць незаконна захопленую маёмасьць, якая належыць грамадзянам і кампаніям ЭЗ».
Як адзначае літоўскі бок, палёты кантрабандысцкіх балёнаў зь Беларусі ўжо некалькі разоў за апошнія месяцы ўплывалі на працу аэрапортаў Вільні і Коўна. Пасьля таго як Літва на некалькі тыдняў абмежавала працу памежных пераходаў зь Беларусьсю, Менск адмаўляецца выпускаць грузавікі з літоўскай рэгістрацыяй, патрабуючы кансультацый на ўзроўні міністэрстваў замежных спраў.
«МЗС спадзяецца, што ўлады Беларусі, якія дамагаюцца кантактаў на высокім узроўні, распачнуць дзеяньні для ўрэгуляваньня вышэйзгаданых сытуацый», — гаворыцца ў паведамленьні Міністэрства замежных спраў Літвы.
ГЛЯДЗІЦЕ ТАКСАМА: Дэпартамэнт дзяржаўнай бясьпекі Літвы: беларускія спэцслужбы падманам схіляюць літоўцаў запускаць балёны зь Беларусі ГЛЯДЗІЦЕ ТАКСАМА: Лукашэнка выставіў ультыматум Літве перад перамовамі з ЗША. Тлумачыць Валер Карбалевіч ГЛЯДЗІЦЕ ТАКСАМА: Польшча ня будзе абвяшчаць надзвычайную сытуацыю на мяжы зь Беларусьсю ўсьлед за Літвой ГЛЯДЗІЦЕ ТАКСАМА: Ціханоўская пераедзе зь Вільні ў Варшаву, — крыніцы Свабоды