Дзень у гісторыі
1 лістапада 1937 году ў Курапатах НКВД расстраляў сьвятароў Беларускай аўтакефальнай праваслаўнай царквы, у тым ліку Філарэта (Феадосія Раменскага). Усяго 11 япіскапаў і сьвятароў.
Паводле гісторыка і пісьменьніка Кастуся Тарасава, яшчэ каля 200 сьвятароў Беларускай аўтакефальнай царквы выслалі ў сталінскія канцлягеры, дзе бальшыня іх загінула.
Таксама ў гэты дзень
1480 — заснаваная гішпанская інквізыцыя.
Пакараньне сьмерцю паводле прысуду інквізыцыі
1755 — Лісабонскі землятрус, у выніку якога загінулі каля 60 тысячаў чалавек.
1800 — прэзыдэнт ЗША Джон Адамс стаў першым жыхаром Белага дому ў Вашынгтоне, хоць будынак яшчэ быў ня цалкам гатовы. Звыклы нам выгляд Белы дом набыў толькі пасьля 1829 году.
Белы дом
1923 — кіраўніцтва БНР пераяжджае ў Прагу
1980 — у Горадні адкрыўся Тэатар лялек.
1987 — у Купалаўскім сквэры ў Менску прайшло адзначэньне Дзядоў, арганізаванае аб’яднаньнямі «Тутэйшыя» і «Талака», дзе ўпершыню шырока заявілі пра рэпрэсіі ў БССР.
Анатоль Сыс на Дзядах у сквэры Янкі Купалы ў Менску, 1 лістапада 1987
1992 — у Менску адбыўся першы (устаноўчы) сойм Згуртаваньня беларускай шляхты. Быў прыняты статут і выбрана кіраўніцтва арганізацыі. Старшынём ЗБШ стаў доктар гістарычных навук Анатоль Грыцкевіч.
1993 — уступіла ў сілу Маастрыхцкая дамова, якая паклала пачатак Эўрапейскаму Зьвязу.
2020 — упершыню з 1988 году ўлады разагналі Дзяды
У гэты дзень нарадзіліся
1868 — Зьміцер Даўгяла, гісторык і археограф. Ахвяра сталінізму.
1873 — Іван Замоцін, беларускі літаратуразнавец. Ахвяра сталінізму
1888 — Міхал Сапоцька, каталіцкі сьвятар, спаведнік сьв. Фаўстыны Кавальскай
1890 — Глеб Бонч-Асмалоўскі, антраполяг, археоляг, этнограф, прафэсар, доктар гістарычных навук. Сын «чорнаперадзельцаў» Анатоля і Варвары Бонч-Асмалоўскіх.
1895 — Уладзімер Крыловіч, актор, адзін з заснавальнікаў беларускага тэатру. Заслужаны артыст Беларусі (1931).
1908 — Яўгенія Пфляўмбаўм, паэтка й перакладчыца.
1912 — Янка Золак, беларускі паэт, пэдагог, грамадзкі дзяяч, выдавец на эміграцыі ў ЗША.
1915 — Міхась Кавыль, беларускі паэт, пэдагог, грамадзкі дзяяч у замежжы.
Выданьне паэзіі Міхася Кавыля
1933 — Вячаслаў Адамчык, беларускі пісьменьнік.
Вячаслаў Адамчык
У памяці
1888 — Мікалай Перавальскі (Пржавальскі), расейскі географ і вандроўнік беларускага паходжаньня.
Мікалай Пржавальскі
1893 — Ян Матэйка, мастак.
Люблінская унія. Ян Матэйка
1971 — Міхаіл Ром, савецкі рэжысэр і сцэнарыст.
1972 — Эзра Паўнд, амэрыканскі паэт.
Эзра Паўнд
1984 — у Вільні памёр Пётра Сергіевіч, мастак.
2021 — памёр Віктар Какарэка, нумізмат, старшыня Беларускага нумізматычнага таварыства