Пра гэта піша выданьне Gazeta Wyborcza са спасылкай на зьвесткі Падляскага аддзяленьня Памежнай службы Польшчы. Аднак у жніўні міграцыйны крызіс зноў узмацніўся.
У чэрвені ў Польшчы зафіксавалі звыш 3,7 тысячы спроб нелегальнага пераходу мяжы, у ліпені — каля 1,3 тысячы.
Gazeta Wyborcza са спасылкай на МУС Польшы паведамляе, што зьніжэньне актыўнасьці мігрантаў зьвязана з увядзеннем Польшчай буфэрнай зоны і прысутнасьцю на мяжы сіл паліцыі. Паводле зьвестак ведамства, з моманту ўвядзеньня буфэрнай зоны колькасць спробаў незаконнага перасячэння мяжы скарацілася на 70%.
Аднак у жніўні міграцыйны крызіс зноў узмацніўся. З пачатку месяца польская памежная служба зафіксавала больш за 1200 спробаў нелегральнага перасячэньня дзяржаўнай мяжы з боку Беларусі.
З 13 чэрвеня на польска-беларускай мяжы дзейнічае буфэрная зона, тэрмін якой пакуль вызначаны ў 90 дзён.
- Пасьля вынясеньня палітычна матываванага прысуду журналісту, актывісту неафіцыйнага Саюзу палякаў Беларусі Анджэю Пачобуту (8 гадоў пазбаўленьня волі) 10 лютага 2023 году Польшча на няпэўны тэрмін закрыла адзін з двух даступных для падарожнікаў пунктаў пропуску — Баброўнікі (зь беларускага боку — Бераставіца). Адкрытым застаецца пункт пропуску Тарэспаль (Берасьце).
- Зь вясны 2021 году на мяжы Беларусі і Эўразьвязу працягваецца міграцыйны крызіс, які ўлады Польшчы і краін Балтыі называюць «гібрыднай атакай», арганізаванай рэжымамі ў Менску і Маскве.
ГЛЯДЗІЦЕ ТАКСАМА:
З пачатку мігранцкага крызісу на мяжы Беларусі з краінамі ЭЗ загінулі больш за 100 мігрантаў, — праваабаронцыГЛЯДЗІЦЕ ТАКСАМА:
Нямецкая паліцыя расказала, колькі нелегальных мігрантаў прыбыло па «беларускім маршруце»