Пра гэта паведамляе выданьне reform.news са спасылкай на нямецкі друк.
Згодна з адказам, у першым паўгодзьдзі 2024 году трыма найбольш распаўсюджанымі этнасамі сярод нелегальных мігрантаў былі афганцы — 1140 выпадкаў, сырыйцы — 725 выпадкаў і самалійцы — 243 выпадкі.
Нямецкіх дэпутатаў цікавіла, як зьмянялася колькасьць нелегальных уездаў у Нямеччыну празь «беларускі маршрут» зь ліпеня 2021 году да канца чэрвеня 2024 году.
У адказе адзначаецца, што фэдэральная паліцыя пачала ўлік па гэтым маршруце з траўня 2021 году, але якасна правераныя статыстычныя дадзеныя ёсьць толькі з 2022 году.
Паводле справаздачы, у 2021 годзе ў Нямеччыну празь «беларускі маршрут» трапіла 11 228 нелегальных мігрантаў, у 2022 годзе — 8760, у 2023-м — 11 932.
Форум