Ва Ўзброеных сілах Украіны заявілі аб зьнішчэньні расейскага вялікага дэсантнага карабля «Цезарь Куников».
«У момант пацэльваньня ён знаходзіўся ў тэрытарыяльных водах Украіны паблізу Алупкі», — паведаміла прэсавая служба Ўзброеных сіл Украіны.
У Галоўным упраўленьні выведкі Міністэрства абароны Ўкраіны паведамілі, што карабель атакавалі марскім ударным дронам «Magura». У выніку ўдару карабель атрымаў крытычныя прабоіны левага борту і пачаў тануць.
«Сымбалічна, што расейскі афіцэр, у гонар якога назвалі карабель, загінуў роўна 81 год таму», – адзначаецца ў паведамленьні ўкраінскай выведкі.
Апэрацыю ажыцьцявіла група спэцыяльнага прызначэньня Міністэрства абароны «Група 13».
У эфіры ўсеўкраінскага тэлемаратону сьпікер украінкай вайсковай выведкі Андрэй Юсаў паведаміў, што на караблі ў момант удару маглі знаходзіцца да 90 расйескх вайскоўцаў, большасьць зь якіх загінулі. Паводле яго, на караблі таксама знаходзіліся боекамплекты з ракетамі.
Раніцай 14 лютага выданьне «Українська правда» са спасылкай на свае крыніцы паведаміла, што ў Чорным моры ў выніку ўкраінскай атакі марскім бесьпілётным апаратам патануў расейскі вялікі дэсантны карабель «Цезарь Куников».
«Гэта была спэцыяльная апэрацыя Галоўнага ўпраўленьня выведкі, у выніку атакі „Цезарь Куников“ патануў», — паведаміла выданьне «Українська правда» са спасылка на свае крыніцы.
Відэа Галоўнага ўпраўленьня выведкі Ўкраіны можна пабачыць тут.
У Міністэрстве абароны Расеі гэтую інфармацыю не камэнтуюць.
Як Ўкраіна зьнішчала расейскія караблі
У ноч з 31 студзеня на 1 лютага 2024 году байцы спэцпадразьдзелу „Group 13“ Галоўнага ўпраўленьня выведкі Міністэрства абароны зьнішчылі ракетны карабель „Ивановец“ Чарнаморскага флёту Расеі.
ГЛЯДЗІЦЕ ТАКСАМА:
Украінская выведка паказала, як у Крыме зьнішчылі яшчэ адзін расейскі марскі ракетаносьбіт- 4 жніўня 2022 году ўкраінцы ў бухце Новарасійску атакавалі марскімі дронамі вялікі дэсантны карабель «Оленегорский горняк» і вывелі яго са строю.
- Летась 13 верасьня ў выніку ўкраінскай атакі дронамі па бухце ў Севастопалі пашкоджаньні атрымалі дызэль-электрычная субмарына «Ростов-на-Дону» і вялікі дэсантны карабель «Минск», яны загарэліся.
ГЛЯДЗІЦЕ ТАКСАМА:
Выведка Вялікай Брытаніі пацьвердзіла зьнішчэньне Ўкраінай двух караблёў у Крыме, аднавіць іх практычна немагчыма. ФОТА- 22 верасьня 2023 году стала вядома пра некалькі выбухаў у акупаваным Севастопалі. Акупацыйныя ўлады Крыму паведамілі аб ракетным абстрэле штабу Чарнаморскага флёту РФ.
Пасьля гэтых атак, паводле амэрыканскага Інстытуту вывучэньня вайны (ISW), Расея перамясьціла ня менш за 10 сваіх вайсковых караблёў Чарнаморскага флёту ў Новарасійск зь Севастопаля, каб абараніць іх ад украінскіх атак.
- Аднак гэта не ўратавала флёт ад далейшых украінскіх атак: 11 кастрычніка пашкоджаньні атрымаў карабель «Павел Державин», які знаходзіўся недалёка ад Севастопаля, у пачатку лістапада — ракетны карабель «Аскольд», які знаходзіўся на суднабудаўнічым заводзе «Заліў» у Керчы і яшчэ ня быў уведзены ў склад флёту.
ГЛЯДЗІЦЕ ТАКСАМА:
Ва Ўкраіне паведамілі аб выніковай атацы на яшчэ адзін расейскі карабель у Чорным моры- 10 лістапада 2023 году ў Галоўным упраўленьні выведкі Міністэрства абароны Ўкраіны паведамілі аб пашкоджаньні ў Крыме двух малых дэсантных расейскіх караблёў тыпу «Серна», на якіх знаходзіліся браняваная тэхніка і сродкі супрацьпаветранай абароны.
- У сьнежні ўкраінцы зьнішчылі вялікі дэсантны карабель «Новачаркаск».
- 12 траўня 2022 году ўкраінцы зьнішчылі каля вострава Зьмяіны расейскі дэсантны карабель тыпу «Серна».
- У пачатку расейскага ваеннага ўварваньня ў выніку ўкраінскага ўдару патануў ракетны крэйсэр «Москва».
ГЛЯДЗІЦЕ ТАКСАМА:
Заходні экспэрт прызнаў посьпех Украіны ў вайне з Расеяй у Чорным морыВайна Расеі супраць Украіны
- А 5-й гадзіне раніцы 24 лютага 2022 году кіраўнік Расеі Ўладзімір Пуцін заявіў пра пачатак ваеннай апэрацыі супраць Украіны на Данбасе на просьбу груповак «ДНР» і «ЛНР». 21 лютага падчас тэлезвароту да расейцаў Пуцін назваў так званыя «ДНР» і «ЛНР» незалежнымі дзяржавамі ў межах вобласьцяў. 22 лютага Савет Фэдэрацыі ратыфікаваў гэтае рашэньне.
- Расейскія войскі атакавалі ў тым ліку з тэрыторыі Беларусі, выкарыстоўваючы лётнішчы, базы і дарогі. Прадстаўнікі рэжыму Лукашэнкі апраўдваюць вайну, некаторыя яго праціўнікі лічаць тэрыторыю Беларусі акупаванай, многія заклікаюць да супраціву расейскім захопнікам. Насуперак заявам Пуціна пра атакі выключна на вайсковыя аб’екты, расейцы пачалі бамбіць школы, дзіцячыя садкі і жылыя кварталы ўкраінскіх гарадоў.
- 2 красавіка 2022 году, пасьля вызваленьня гораду Буча пад Кіевам, фотакарэспандэнты апублікавалі дзясяткі фатаздымкаў, на якіх відаць сотні нябожчыкаў, ахвяраў масавых забойстваў, учыненых расейскімі войскамі. Многія пахаваныя ў стыхійных брацкіх магілах. Вялікія разбурэньні прынесла расейская акупацыя і Барадзянцы.
- З 24 лютага 2022 году Расея захапіла толькі адзін абласны цэнтар — Херсон. Горад быў акупаваны расейскімі войскамі ў першыя дні вайны фактычна без баёў. Расейскія войскі адступілі зь яго і з правабярэжнай часткі Херсонскай вобласьці ў лістападзе 2022 году. Увосень 2022 году ўкраінскія войскі правялі маштабны контранаступ, у выніку якога расейскія сілы пакінулі большасьць сваіх пазыцый і ў Харкаўскай вобласьці.
- Нягледзячы на першапачатковыя заявы Пуціна пра тое, што акупацыя ўкраінскіх тэрыторыяў не ўваходзіць у пляны ўварваньня, 30 верасьня 2022 году была абвешчана анэксія чатырох вобласьцяў Украіны (Данецкай, Запароскай, Луганскай і Херсонскай), у тым ліку і тэрыторыяў, якіх Расея не кантралявала.
- 21 верасьня 2022 году Пуцін заявіў пра мабілізацыю ў Расеі. Пасьля гэтай заявы тысячы расейцаў накіраваліся на памежныя пункты і пачалі выяжджаць у Грузію, Казахстан, Армэнію, Манголію, Фінляндыю і іншыя краіны. У самой Расеі праціўнікі вайны падпалілі некалькі вайсковых камісарыятаў.
- У 2023 годзе Лукашэнка і Пуцін заявілі пра разьмяшчэньне ў Беларусі расейскай ядзернай зброі. 13 чэрвеня Лукашэнка сказаў, што частка ядзернай зброі ўжо дастаўлена з РФ у Беларусь. 16 чэрвеня Пуцін таксама заявіў, што першыя ядзерныя зарады ўжо дастаўленыя на тэрыторыю Беларусі, а астатнюю частку перамесьцяць «да канца лета або да канца году».
- 17 лістапада 2024 году тагачасны прэзыдэнт ЗША Джо Байдэн зьняў абмежаваньні на нанясеньне ўдараў амэрыканскай дальнабойнай зброяй па тэрыторыі Расеі.
- З прыходам да ўлады ў ЗША прэзыдэнта Дональда Трампа рэзка актывізавалася тэма магчымых мірных перамоваў. Улетку 2025 году Дональд Трамп правёў шэраг сустрэчаў, у тым ліку з Уладзімірам Зяленскім і Ўладзімірам Пуціным. Аднак дамовіцца пра мірнае пагадненьне ці прынамсі пра асабістую сустрэчу прэзыдэнтаў Украіны і Расеі не атрымалася. Агулам мірныя перамовы дагэтуль не далі істотных вынікаў.
- 1 чэрвеня 2025 году на Дзень расейскай авіяцыі Ўкраіна правяла маштабную апэрацыю «Павуціньне». Служба бясьпекі Ўкраіны зладзіла ўдары па авіябазах па ўсёй тэрыторыі Расеі, зьнішчыўшы дзясяткі расейскіх вайсковых самалётаў. Дакладна невядома, адкуль кіраваліся гэтыя дроны і ці выкарыстоўвалі яны штучны інтэлект для нацэльваньня на расейскія самалёты. Паводле ўкраінскага боку, дахі грузавікоў, дзе хаваліся дроны, адчынялі дыстанцыйна, каб дазволіць квадракоптэрам узьлятаць.
- З пачатку 2024 году па цяперашні час украінскія дроны пашкодзілі мноства расейскіх нафаперапрацоўчых заводаў, што прывяло да істотнага скарачэньня вытворчасьці нафтапрадуктаў у Расеі.
- Лінія фронту ва Украіне на працягу 2025 і на пачатку 2026 году заставалася адносна стабільнай. Пры гэтым расейскія войскі павольна прасоўваліся на асобных участках. З кастрычніка 2025 па сакавік 2026 году Расея захапіла каля 1833 км². На пачатку 2026 году ўкраінскія сілы правялі шэраг удалых контратак. У канцы красавіка 2026 году ўпершыню за доўгі час Ўкраіна адваявала больш тэрыторыі, чым страціла.
Незалежная праверка інфармацыі пра ваенныя дзеяньні, якую даюць афіцыйныя асобы розных бакоў, не заўсёды магчымая.