Паводле арганізатараў, прычыны нібыта тэхнічныя.
Як паведамляе выданьне «Новая Газета Европа», на казахстанскіх пляцоўках, дзе павінен быў выступаць артыст, раптоўна ўзьніклі тэхнічныя праблемы.
Кіраўніцтва цэнтральнай канцэртнай залы «Казахстан» у Астане 30 верасьня аб’явіла аб тэхнічных работах па рамонце водаправода, а 1 кастрычніка Палац рэспублікі ў Алматы паведаміў аб паломцы сцэны.
Максім Галкін павінен быў выступіць у Астане 8 кастрычніка, у Алматы — 9 кастрычніка.
Раней Галкін ужо заяўляў, што яго канцэртам у Казахстане перашкаджаюць «на дзяржаўным узроўні», адмяняючы іх пад надуманымі, як ён лічыць, падставамі.
ГЛЯДЗІЦЕ ТАКСАМА: Коміка Максіма Галкіна прызналі ў Расеі «замежным агентам». Ён адказаў: «Я гандлем сумленьнем не займаюся»
- Максім Галкін пасьля пачатку вайны Расеі ва Ўкраіне публічна асудзіў расейскую агрэсію — як у сацсетках, так і на сваіх канцэртах.
- Пасьля гэтага расейскія тэлеканалы адхілілі яго ад вядзеньня праграм і адмовіліся ад рэклямы з яго ўдзелам. Артыст пакінуў Расею.
- У верасьні 2022 года Мінюст Расеі ўнёс Галкіна ў сьпіс так званых замежных агентаў.
- У Казахстане апошнім часам адмяняюць таксама канцэрты расейскіх артыстаў, якія падтрымліваюць вайну. Так, не адбыліся канцэрты Ларысы Долінай, Паліны Гагарынай, Грыгорыя Лепса.
- Быў адменены спэктакль, у якім грае актор Сяргей Глушко, які падтрымлівае вайну.