Пра гэта піша reform.by. Паведамляецца, што каб ажыцьцявіць публікацыю кнігі, якая рыхтавалася больш за пяць гадоў, выдавецтва распачало краўдфандынгавую кампанію.
«Упершыню беларускае чытацтва мае анталёгію, якая прапануе погляд на літаратуру знутры гей-досьведу. Яна апісвае тое, што самі геі вызначаюць як гей-культура і гей-літаратура. Дасюль гэты пласт культуры або замоўчваўся, або ставіўся пад сумнеў, або аналізаваўся няхай і гей-прыязнымі, але ўсё ж літаратарамі і літаратаркамі, якія больш ці менш пасьпяхова балянсавалі свой аналіз з уласнай гетэраідэнтычнасьцю», — адзначаецца ў прадмове да будучага выданьня.
ГЛЯДЗІЦЕ ТАКСАМА: Супольнасьць ЛГБТК+ у Беларусі па-ранейшаму стыгматызуецца — дасьледаваньнеМногія тэксты ў анталёгіі друкуюцца пад псэўданімамі. Рэдактар — Уладзіслаў Гарбацкі.
«Некаторыя тэксты былі адкліканыя на розных этапах падрыхтоўкі, а вельмі многія аўтары проста не рызыкнулі даслаць свае творы, — збор твораў рыхтаваўся не без складанасьцяў, — зьвяртаюць увагу стваральнікі. — Але гэтая анталёгія пераводзіць беларускіх геяў у плашчыню суб’ектнасьці, ператварае іх у актыўных актараў, а ня толькі аб’ектаў дасьледаваньня, назіраньня ці апісаньня».
ГЛЯДЗІЦЕ ТАКСАМА: Уладзь Гарбацкі: Прыйшла пара беларускай гей‐літаратурыПрэзэнтацыя кнігі заплянаваная на кастрычнік — у Варшаве, у межах фэстывалю інтэлектуальнай кнігі PRADMOVA 6-8 красавіка.
Выдавецтва «Скарына» было створана групай аднадумцаў у 2022 годзе. У яго кіраўніцтве — Тацяна Астроўская, Уладзіслаў Гарбацкі, Ігар Іваноў, Ганна Комар і Караліна Мацкевіч.
ГЛЯДЗІЦЕ ТАКСАМА: «Ня ўсё, чым хочаш займацца прафэсійна, дае табе заробак». Размова з кіраўніком выдавецтва Skaryna Press у Лёндане