Уладзімер Булаўскі, як паведамляе «Вясна», за кратамі з 14 сьнежня мінулага году.
На думку праваабаронцаў і сяброў, віцебскі арт-мэнэджар і музыка асуджаны на чарговы адміністрацыйны арышт — ёсьць зьвесткі, што 30 сьнежня Булаўскага вазілі з ІЧУ ў аддзел міліцыі Кастрычніцкага раёну, найверагодней, для складаньня чарговага пратаколу.
- За апошнія два гады Булаўскага затрымлівалі чатыры разы. У верасьні 2020 году яго асудзілі на 8 сутак і прызналі вінаватым у парушэньні заканадаўства аб масавых мерапрыемствах (арт. 23.34 КаАП). У лістападзе 2021 году — пакаралі 7-дзённым арыштам за «распаўсюд інфармацыйнай прадукцыі, уключанай у Рэспубліканскі сьпіс экстрэмісцкіх матэрыялаў» паводле арт. 19.11 КаАП. І ў лютым, у асноўны дзень правядзеньня рэфэрэндуму, яго асудзілі на 15 дзён арышту.