Сёлета прэміяй уганаравалі эканамістаў Бэна Бэрнанке, Дугласа Дайманда і Філіпа Дыбвіга за дасьледаваньні банкаў і фінансавых крызісаў. У прэс-рэлізе Нобэлеўскага камітэту зазначана, што іхныя работы значна палепшылі разуменьне ролі банкаў у эканоміцы, асабліва падчас фінансавых крызісаў.
BREAKING NEWS: The Royal Swedish Academy of Sciences has decided to award the 2022 Sveriges Riksbank Prize in Economic Sciences in Memory of Alfred Nobel to Ben S. Bernanke, Douglas W. Diamond and Philip H. Dybvig “for research on banks and financial crises.”#NobelPrize pic.twitter.com/cW0sLFh2sj
— The Nobel Prize (@NobelPrize) October 10, 2022
Дайманд і Дыбвіг у сваёй тэорыі паказалі, як спраўляцца з супярэчнасьцю, закладзенай у банкаўскай сыстэме: калі фундатары хочуць мець імгненны доступ да сваіх грошай, а крэдытаатрымальнікі — гарантыі, што іх раптам не прымусяць аддаваць пазыкі. Гэтую небясьпечную дынаміку можна прадухіліць, калі ўрад забясьпечыць страхаваньне дэпазытаў і выступіць у якасьці крэдытора апошняй інстанцыі для банкаў.
Дайманд таксама паказаў, што банкі, якія выступаюць пасярэднікамі паміж многімі ўкладчыкамі і пазычальнікамі, лепш падыходзяць для ацэнкі крэдытаздольнасьці пазычальнікаў і забесьпячэньня таго, каб пазыкі выкарыстоўваліся для выгадных інвэстыцый.
Старшыня Фэдэральнай рэзэрвовай сыстэмы ЗША падчас сусьветнага фінансавага крызісу нулявых Бэн Бэрнанке адзначаны за свае дасьледаваньні Вялікай Дэпрэсіі.
ГЛЯДЗІЦЕ ТАКСАМА: «Сыходзіць будзе балюча, але пэрспэктыўна». Ці можа беларуская эканоміка абысьціся без Расеі ГЛЯДЗІЦЕ ТАКСАМА: Жузэп Бурэль: Эўразьвяз вітае прысуджэньне Нобэлеўскай прэміі міру Алесю Бяляцкаму ГЛЯДЗІЦЕ ТАКСАМА: Кіраўніца «Цэнтру грамадзянскіх свабод» аб надзеях пасьля Нобэлеўскай прэміі: Трыбунал для Пуціна і Лукашэнкі, вызваленьне палонных