Бітва за Данбас: найбольш жорсткія баі ў ваколіцах Севераданецку, расейцы імкнуцца да мяжы Луганскай вобласьці. ФОТА

Баі ў Луганскай вобласьці, 24 траўня 2022

У Генэральным штабе Ўзброеных сіл Украіны заявілі, што расейскія войскі пачалі наступленьне на Севераданецк, які выконвае функцыі абласнога цэнтру Луганскай вобласьці пасьля расейскай акупацыі ў 2014 годзе гораду Луганску.

«На севераданецкім кірунку пры падтрымцы агнём артылерыі расейскія акупанты вядуць наступ у кірунку населенага пункту Севераданецк, баявыя дзеяньні працягваюцца», — заявіў сьпікер Генштабу Ўкраіны Аляксандар Штупун.

Украінскі горад Саледар пад асбтрэламі расейскіх акупацыйных войск, 24 траўня

Міністэрства абароны Расеі пакуль не публікуе сваёй мапы баявых дзеяньняў супраць Украіны.

24 траўня ў Генэральным штабе Ўзброеных сіл Украіны заявілі аб намеры расейскіх войскаў узяць у аблогу два ўкраінскія гарады на Данбасе — Севераданецк і Лісічанск, каб потым выйсьці на адміністрацыйную мяжу Луганскай вобласьці.

Украінскі салдат на полі бою

Эвакуацыя пашкоджанай украінскай тэхнікі ў раёне Краматорска Данецкай вобласьці. 24 траўня 2022

ГЛЯДЗІЦЕ ТАКСАМА:

Бітва за Данбас, абстрэлы Запарожжа, Крывога Рогу, Мікалаева. 91-ы дзень вайны Расеі супраць Украіны