Супрацоўнікі гомельскага прадпрыемства «Дэлкам40» расказалі Zerkalo.io, што ім цяпер выплочваюць толькі дзьве траціны заробку, а з наступнага тыдня ім давядзецца прыходзіць на працу і «проста сядзець», нават у начную зьмену.
Прадпрыемства «Дэлкам40» — даччыная кампанія польскай групы кампаній «COM40», якія вырабляюць мэблю і іншую прадукцыю для IKEA. На сайце кампаніі значыцца, што ў штаце працуюць больш за 2 100 чалавек, «у асноўным, рабочыя прафэсіі».
Некалькі супрацоўнікаў «Дэлкам40» расказалі, што ўжо з пачаткам вайны Расеі супраць Украіны і з сыходам IKEA з расейскага рынку ў кампаніі пачаліся праблемы.
«Нас усіх адправілі ў чарговыя адпачынкі. Пасьля перавялі на 2/3 акладу (гэта крыху больш за 350 рублёў на рукі). У гэты час мы сядзелі дома», — кажуць работнікі.
А 27 красавіка на агульным сходзе супрацоўнікам «Дэлкам40» абвясьцілі: з 4 траўня ім давядзецца прыходзіць на працу і проста знаходзіцца ў сталовай — такое распараджэньне, як вядома работнікам, далі прынамсі цэху вытворчасьці мяккай мэблі. Наколькі зразумелі рабочыя, ранішнія, дзённыя і начныя зьмены будуць працягвацца згодна з графікам, але цяпер яны абавязаныя проста быць на працоўным месцы. У выпадку няяўкі, паводле Працоўнага кодэксу, будзе звальненьне з прагул.
ГЛЯДЗІЦЕ ТАКСАМА:
«Штадлер Менск» накіравала ў прастой 59 рабочых з прычыны «эпідэмялягічнай сытуацыі» і збою паставакСупрацоўнікі «Дэлкам40» зьвярталіся на гарачую лінію Міністэрства працы і сацыяльнай абароны, але там адказалі, што парушэньняў у такім рашэньні працадаўцы няма: калі дамова калектыўная, падчас прастою супрацоўнікі «павінны быць на бачным месцы».
Колькі працягнецца прастой, дакладна невядома. Адзін з суразмоўцаў удакладніў, што на агульным сходзе агучылі імаверны тэрмін — да канца траўня.
Па словах работнікаў, на сходзе кіраўніцтва заявіла, што ня варта чакаць паляпшэньняў празь месяц, і прапанавала ім 3 варыянты: «Ехаць у Польшчу (адпраўляюць без праблем, першая партыя людзей ужо выехала туды), сядзець на 2/3 або звальняцца», — кажуць нашы суразмоўцы.
ГЛЯДЗІЦЕ ТАКСАМА:
«Для Беларусі толькі харчы і лекі». Заходнія кампаніі адмаўляюцца працаваць з афіцыйным МенскамУ прыёмнай кампаніі «Дэлкам40» на пытаньне, ці ёсьць у кампаніі праблемы з вытворчасьцю, адказалі коратка: «У нас усё добра. Можна не турбавацца».
У аддзеле кіраваньня пэрсаналам адмовіліся размаўляць. Дырэктар «Дэлкам40» Мацей Ачахоўскі, выслухаўшы пытаньне журналісткі, адразу ж кінуў слухаўку.
Тыдзень таму кіраўнік праекту па закупцы мэтолу «Дэлкам40» Сяргей Патапаў у камэнтары расейскаму выданую bfm.ru прызнаваўся, што ў гэты момант вытворчасьць практычна спыненая, хаця раней прадпрыемства рабіла для IKEA каля 20 тысяч канапаў у тыдзень: «Мы страцілі 90% збыту, вытворчасьць практычна спынена», — сказаў ён і дадаў, што цяпер кампанія знайсьці новыя рынкі збыту, але, паводле яго разьлікаў, «каб выйсьці хаця б у нуль, спатрэбіцца недзе каля паўгода».
ГЛЯДЗІЦЕ ТАКСАМА:
«Ежа будзе даражэйшая, вопратка горшая». Што стала зь беларускай эканомікай за 2,5 тыдня вайны — у 10 прыкладахГЛЯДЗІЦЕ ТАКСАМА:
Беларусь напэўна «нырне» у крызіс разам з Расеяй — меркаваньне эканамістаВайна Расеі супраць Украіны
- А 5-й гадзіне раніцы 24 лютага 2022 году кіраўнік Расеі Ўладзімір Пуцін заявіў пра пачатак ваеннай апэрацыі супраць Украіны на Данбасе на просьбу груповак «ДНР» і «ЛНР». 21 лютага падчас тэлезвароту да расейцаў Пуцін назваў так званыя «ДНР» і «ЛНР» незалежнымі дзяржавамі ў межах вобласьцяў. 22 лютага Савет Фэдэрацыі ратыфікаваў гэтае рашэньне.
- Расейскія войскі атакавалі ў тым ліку з тэрыторыі Беларусі, выкарыстоўваючы лётнішчы, базы і дарогі. Прадстаўнікі рэжыму Лукашэнкі апраўдваюць вайну, некаторыя яго праціўнікі лічаць тэрыторыю Беларусі акупаванай, многія заклікаюць да супраціву расейскім захопнікам. Насуперак заявам Пуціна пра атакі выключна на вайсковыя аб’екты, расейцы пачалі бамбіць школы, дзіцячыя садкі і жылыя кварталы ўкраінскіх гарадоў.
- 2 красавіка 2022 году, пасьля вызваленьня гораду Буча пад Кіевам, фотакарэспандэнты апублікавалі дзясяткі фатаздымкаў, на якіх відаць сотні нябожчыкаў, ахвяраў масавых забойстваў, учыненых расейскімі войскамі. Многія пахаваныя ў стыхійных брацкіх магілах. Вялікія разбурэньні прынесла расейская акупацыя і Барадзянцы.
- З 24 лютага 2022 году Расея захапіла толькі адзін абласны цэнтар — Херсон. Горад быў акупаваны расейскімі войскамі ў першыя дні вайны фактычна без баёў. Расейскія войскі адступілі зь яго і з правабярэжнай часткі Херсонскай вобласьці ў лістападзе 2022 году. Увосень 2022 году ўкраінскія войскі правялі маштабны контранаступ, у выніку якога расейскія сілы пакінулі большасьць сваіх пазыцый і ў Харкаўскай вобласьці.
- Нягледзячы на першапачатковыя заявы Пуціна пра тое, што акупацыя ўкраінскіх тэрыторыяў не ўваходзіць у пляны ўварваньня, 30 верасьня 2022 году была абвешчана анэксія чатырох вобласьцяў Украіны (Данецкай, Запароскай, Луганскай і Херсонскай), у тым ліку і тэрыторыяў, якіх Расея не кантралявала.
- 21 верасьня 2022 году Пуцін заявіў пра мабілізацыю ў Расеі. Пасьля гэтай заявы тысячы расейцаў накіраваліся на памежныя пункты і пачалі выяжджаць у Грузію, Казахстан, Армэнію, Манголію, Фінляндыю і іншыя краіны. У самой Расеі праціўнікі вайны падпалілі некалькі вайсковых камісарыятаў.
- У 2023 годзе Лукашэнка і Пуцін заявілі пра разьмяшчэньне ў Беларусі расейскай ядзернай зброі. 13 чэрвеня Лукашэнка сказаў, што частка ядзернай зброі ўжо дастаўлена з РФ у Беларусь. 16 чэрвеня Пуцін таксама заявіў, што першыя ядзерныя зарады ўжо дастаўленыя на тэрыторыю Беларусі, а астатнюю частку перамесьцяць «да канца лета або да канца году».
- 17 лістапада 2024 году тагачасны прэзыдэнт ЗША Джо Байдэн зьняў абмежаваньні на нанясеньне ўдараў амэрыканскай дальнабойнай зброяй па тэрыторыі Расеі.
- З прыходам да ўлады ў ЗША прэзыдэнта Дональда Трампа рэзка актывізавалася тэма магчымых мірных перамоваў. Улетку 2025 году Дональд Трамп правёў шэраг сустрэчаў, у тым ліку з Уладзімірам Зяленскім і Ўладзімірам Пуціным. Аднак дамовіцца пра мірнае пагадненьне ці прынамсі пра асабістую сустрэчу прэзыдэнтаў Украіны і Расеі не атрымалася. Агулам мірныя перамовы дагэтуль не далі істотных вынікаў.
- 1 чэрвеня 2025 году на Дзень расейскай авіяцыі Ўкраіна правяла маштабную апэрацыю «Павуціньне». Служба бясьпекі Ўкраіны зладзіла ўдары па авіябазах па ўсёй тэрыторыі Расеі, зьнішчыўшы дзясяткі расейскіх вайсковых самалётаў. Дакладна невядома, адкуль кіраваліся гэтыя дроны і ці выкарыстоўвалі яны штучны інтэлект для нацэльваньня на расейскія самалёты. Паводле ўкраінскага боку, дахі грузавікоў, дзе хаваліся дроны, адчынялі дыстанцыйна, каб дазволіць квадракоптэрам узьлятаць.
- З пачатку 2024 году па цяперашні час украінскія дроны пашкодзілі мноства расейскіх нафаперапрацоўчых заводаў, што прывяло да істотнага скарачэньня вытворчасьці нафтапрадуктаў у Расеі.
- Лінія фронту ва Украіне на працягу 2025 і на пачатку 2026 году заставалася адносна стабільнай. Пры гэтым расейскія войскі павольна прасоўваліся на асобных участках. З кастрычніка 2025 па сакавік 2026 году Расея захапіла каля 1833 км². На пачатку 2026 году ўкраінскія сілы правялі шэраг удалых контратак. У канцы красавіка 2026 году ўпершыню за доўгі час Ўкраіна адваявала больш тэрыторыі, чым страціла.
Незалежная праверка інфармацыі пра ваенныя дзеяньні, якую даюць афіцыйныя асобы розных бакоў, не заўсёды магчымая.