Кіраўніца Эўракамісіі Урзуля фон дэр Ляен і кіраўнік Эўрапарлямэнту Жузэп Бурэль прыедуць у Кіеў для перамоваў з прэзыдэнтам Украіны Ўладзімірам Зяленскім.
Пасьля гэтага яны паедуць у Варшаву на дабрачынны канцэрт у падтрымку Ўкраіны. Пра гэта паведаміў прэс-сакратар Эўракамісіі Эрык Мамэр.
Раней, камэнтуючы зьверствы ў Бучы, Урзуля фон дэр Ляен абвясьціла і аб накіраваньні ва Ўкраіну сумесных сьледчых груп краінаў Эўразьвязу для дакумэнтаваньня ваенных злачынстваў.
- У сярэдзіне сакавіка ў Кіеў для сустрэчы з прэзыдэнтам краіны Ўладзімірам Зяленскім прыяжджалі прэмʼер-міністры Чэхіі (Пэтар Фіяла), Польшчы (Матэвуш Маравецкі) і Славеніі (Янэз Янша).
- Асноўнымі тэмамі перамоў былі ўзмацненьні санкцый супраць Расеі і прызнаньне яе краінай – спонсарам тэрарызму, закрыцьцё партоў для расейскіх грузаў, міжнародная дапамога для аднаўленьня інфраструктуры Ўкраіны пасьля вайны, а таксама падтрымка эўраінтэграцыйнага курсу краіны.